ئەڵمانیا لە بواری پزیشكی هاوكاری پێشمەرگە دەكات

ئاڤا نیوز

فەرماندەی هێزەكانی ئەڵمانیا لە هەرێمی كوردستان، بەڵێنی هاوكارییەكانی وڵاتەكەی لە بواری پزیشكیدا بۆ هێزی پێشمەرگە دەدات.

وێنە گەورەكە: ئەمڕۆ 19-2-2025، لیوا ڕوکن هۆشمەند حه‌یدەر، جێگری سەرۆکی ئەرکان بۆ ئیدارە و میرە، پێشوازی لە کۆڵۆنێڵ تۆماس ڕیتەر، فەرماندەی هێزەکانی ئەڵمانیا لە هەرێمی کوردستان و تیمێکی یاوەری کرد و لە دیدارێكدا باس لە پەرەپێدانی كەرتی تەندروستیی وەزارەتی پێشمەرگە كرا.

بابەتە ستراتیژییەكە: وەزارەتی پێشمەرگە لەچوارچێوەی پرۆسەی چاكسازی، مەبەستیەتی كەرتی تەندروستی پێشبخات، لەو دیدارەدا، هاوکارییەکانی وڵاتی ئەڵمانیای لە بواری پزیشکی بۆ هێزی پێشمەرگە، کار و پرۆژەکانی داهاتووی تیمی سەربازيی سوپای ئەڵمانیا لە بواری مەشق و ڕاهێنان، پەرەپێدانی کەرتی تەندروستی لە وەزارەتی پێشمەرگە تاوتوێ كراون.

لێدوانی فەرمی: لیوا ڕوکن هۆشمەند حه‌یدەر، جێگری سەرۆکی ئەرکان لەوەزارەتی پێشمەرگە ڕایگەیاند: پشتیوانی و پشتگیریی هاوپەیمانان و تیمی سەربازيی سوپای ئەڵمانیا لە هەرێمی کوردستان بەشێوەیەكی گشتی، گرنگیدانی زیاتر بە بواری پزیشکی بەتایبەت؛ کاری لەپێشینەی وەزارەتی پێشمەرگەیە و بۆ ئەمەش چاوەڕوانی زیاترمان لە هاوكاری و هەماهەنگیی دۆستانمان لە هاوپەیمانیی نێودەوڵەتی هەیە.