سەرۆکی فەڕەنسا دەربارەی ئایندەی ئۆکراینا لەگەڵ ترەمپ گفتوگۆ دەکات

ئاڤا نیوز

ئیمانوێل ماکرۆن، سەرۆکی فەڕەنسا بە ترەمپ دەڵێت بەبێ ئەوروپا ئایندەی ئۆکراینا دیاری ناکرێت.

وێنە گەورەکە: دوای ئەوەی سەرۆکی فەڕەنسا بە دۆناڵد ترەمپی گوت داهاتووی ئۆکراینا بەبێ ئەوروپا یەکلایی نابێتەوە و ئەوروپا و وڵاتانی دیکە ئاگربەست لە بەرژەوەندی ڤلادیمیر پوتن قبوڵ ناکەن، فەڕەنسا داوای بەشداری ئۆکراینا لە وتووێژەکانی ئاشتی و داننان بە مافەکانی دەکات بۆ دەستەبەرکردنی ئاشتییەکی هەمیشەیی و پتەو، هەروەها کۆتایی هێنان بە داگیرکردنی ئۆکراینا و ڕەچاوکردنی نیگەرانییەکانی ئاسایشی ئەوروپا لە بەرامبەر هەڕەشەی گرنگی ڕووسیا.

ڕاگەیێنراوی فەرمی: چوارشەممە 19ـی شوبات، سەرۆکی ئەمریکا داوای کۆبوونەوەی لەگەڵ ماکرۆن کرد و گوتی بەم زووانە لەگەڵ ئیمانوێل ماکرۆن کۆدەبێتەوە، "لەوانەیە دووشەممەی داهاتوو". بنیامین حەداد، ڕاوێژکاری حکومەتی فەڕەنسا بۆ کاروباری ئەوروپا کۆبوونەوەکەی پشتڕاستکردەوە و گوتی ماکرۆن وەک وتەبێژی وڵاتانی ئەوروپا لەگەڵ ترەمپ گفتوگۆی ئۆکراینا دەکات.

لەلایەکی دیکەوە: وەزیری فەڕەنسا بۆ کاروباری ئەوروپا ڕوونیکردەوە کە ئەوروپا سوودی گەورەی هەیە لە دانوستانەکانی ئێستای ئەمریکا و ڕووسیا لەسەر ئۆکراینا لە سعوودیە. بەگوێرەی قسەکانی بنیامین حەداد، هاوکارییەکانی ئەوروپا بۆ ئۆکرانیا زۆر زیاترە لە ئەمریکا، ئەوروپا کاریگەریی ئابووری بەسەر ڕووسیادا هەیە و توانای دابینکردنی گەرەنتی ئەمنی هەیە.

زانیاری زیاتر: دووەمین کۆبوونەوەی لووتکەی ئێلیزێ کە چوارشەممە 19ـی شوبات لە ڕێگەی ڤیدیۆ کۆنفرانسەوە و لەسەر بانگهێشتی حکومەتی فەڕەنسا بەڕێوەچوو، سەرکردەکانی بەشێکی زۆری ئەوروپا و کەنەدا ئامادەی بوون. تا کۆتایی ئەم هەفتەیە، سەرۆکی فەڕەنسا لەگەڵ لانی کەم 27 سەرکردەی ئەوروپا گفتوگۆ دەکات.