ئیسرائیل 602 دیلی فەڵەستین لەبەرامبەر 6 هاووڵاتی وڵاتەکەی ئازاد دەکات

ئاڤا نیوز 

کۆمەڵەی بەندکراوانی فەڵەستین ڕایگەیاند، ڕۆژی شەممە ئیسرائیل 602 دیلی فەڵەستینی لە چوارچێوەی ئاڵوگۆڕپێکردنی بارمتەکان لە کەرتی غەززە ئازاد دەکات.

وێنە گەورەکە: لە چوارچێوەی ڕێککەوتنی ئاگربەستی نێوان ئیسرائیل و حەماس گەڕێکی دیکەی ئاڵوگۆڕکردنی بارمتەکان ئەنجام دەدرێت و حەماس 6 بارمتەی ئیسرائیل ئازاد دەکات، لەبەرامبەریشدا ئیسرائیل 602 دیلی فەڵەستینی ئازاد دەکات و ڕێگە دەدرێت هاوکارییەکان بگاتە غەززە.

لێدوانی فەرمی: ئەمانی سەراحنە وتەبێژی کۆمەڵەی بەندکراوانی فەڵەستین ڕایگەیاند، لەو 602 دیلەی فەڵەستین کە ڕۆژی شەممە ئیسرائیل ئازادیان دەکات، 445 کەسیان دوای هێرشەکانی 7ـی ئۆکتۆبەری 2023 دەستگیرکراون، و 60 کەسی دیکەیان سزای زیندانی درێژخایەن و 50 دیکەشیان سزای زیندانی هەتاهەتایی درابوون.

باکگراوند: لە قۆناغی یەکەمی ڕێککەوتنی ئاگربەست لە غەززە کە ماوەکەی 42 ڕۆژە، 766 دیلی فەڵەستینی لە کۆی 1900 دیل ئازادکراون، لەبەرامبەردا 19 بارمتەی ئیسرائیل لەکۆی 33 بارمتە ئازادکراون و چوار ئیسرائیلیش بە مردوویی ڕادەستی وڵاتەکەیان کراونەتەوە.