ژمارەیەک هاووڵاتی بیانی لە سنووری سلێمانی دەستگیردەکرێن

ئاڤا نیوز

شەش هاووڵاتی بیانی لە سنووری پارێزگای سلێمانی لەلایەن فەماندەیی هێزەکانی پاسەوانی سنوور دەستگیرکران کە هەوڵیانداوە بە قاچاخ بێنە هەرێمی کوردستان.

وێنە گەورەکە: ماوەیەکە هاتنی خەڵكی وڵاتانی بیانی بۆ هاتنە ناو هەرێمی كوردستان و عێراق با نایاسایی زۆربووە، كە زیاتر بۆ كاركردن دێن، ژمارەیەکی زۆریشیان لەلایەن پاسەوانی سنوور و ئاسایشی هەرێمی کوردستان دەستگیر دەکرێن.

ڕاگەیێنراوی فەرمی: فەرماندەیی هێزەكانی پاسەوانی سنوور، ڕایگەیاند، شەش كەس كە خەڵكی وڵاتانی ئاسیان، لەلایەن فەوجی دووی لیوای 21ـی هێزەكانی سنوور دەستگیركران، ئەو كەسانە بە نایاسایی و قاچاخ هەوڵیانداوە سنووری پارێزگای سلێمانی ببڕن و دزەبكەنە ناو هەرێمی كوردستان و عێراقەوە.

زانیاریی زیاتر: رێوشوێنی یاسایی بەرامبەر ئەو كەسانە گیراوەتەبەر و كۆنووسی دەستگیركردنیان رێكخراوە و ڕادەستی لایەنی پەیوەندیدار دەكرێن.

ئەوەی پێویستە بیزانیت: مانگی ڕابردووش ئاسایشی هەڵەبجەی تازە 13 هاوڵاتى ئەفغانى و پاکستانى و فلیپینى دەستگیرکرد کە لە هەوڵدابوون بە شێوەیەکى نایاسایى لە سنوری سلێمانیەوە بەرەو خوارووى عێراق بڕۆن.