تەندروستیی سۆران هۆشدارییەکی توند بە سەنتەرەکانی جوانکاری و نۆرینگەکان دەدات

 

ئاڤا نیوز

تەندروستی سۆران هۆشداری بە گشت سەنتەرەکانی پزیشکی و سەنتەرەکانی جوانکاری و دەرمانخانە و تاقیگەکان و نۆرینگە تایبەتەکانی سنووری ئیدارەکەی دەدات.

چیرۆکی سەرەکی: بەڕێوەبەرایەتیی گشتی تەندروستیی سۆران بەدواداچوون بۆ هەموو ئەو شوێنانە دەکات کە پەیوەستن بە تەندروستیی هاووڵاتییان و چاودێرییان دەکات بۆ ئەوەی تەندروستیی هاووڵاتییان پارێزراو بێت، ڕێگری بکرێت لە نەخوشییە گوازراوەکان و دەرمانی ماوە بەسەرچوو و بێ کوالێتی.

ڕاگەیێنراوی فەرمی: بەڕێوەبەرایەتیی گشتیی تەندروستیی سۆران، دەڵێت، کەسانێک بەرژەوەندی تایبەتی خۆیان دەقۆزنەوە بۆ دەستکەوتنی داهاتێکی زیاتر لەسەر حسابی تەندروستیی هاوڵاتییان و کاری نایاسایی ئەنجام دەدەن، بۆیە بە ڕایگشتی ڕادەگەیێنین لەمەودوا هەر شوێنێک لە لایەن لیژنەکانی بەڕێوەبەرایەتیی گشتی تەندروستیی سۆران دابخرێت بەهۆی سەرپێچی یاسایی کە تەندروستی هاوڵاتییانمان بکەوێتە مەترسییەوە، ناو و ناونیشانی شوێنەکە بڵاودەکرێتەوە بۆ ئەوەی هاووڵاتییان ئاگاداربن، ئەو شوێنە بۆ مەبەستی چارەسەر بەکار نەهێنن.

ئەوەی پێویستە بیزانیت: لیژنە جیاوازەکان لەسەرجەم شار و شاروچکەکان بە بەردوامی بەدواداچوون دەکەن و چاودێری بازار و شوێنە تەندروستییەکان دەکەن بۆ بەرژەوەندی گشتیی هاووڵاتییان.