کۆنفرانسی "ئێستا و ئایندەی کەرکووک" لە هەولێر بەڕێوەدەچێت

ئاڤا نیوز

 

ئەمڕۆ شەممە کۆنفرانسێکی زانستی بە ناونشینانی (ئێستا و ئایندەی کەرکووک) لە شاری هەولێر دەستپێدەکات و بۆ ماوەی دوو ڕۆژ بەردەوام دەبێت. 

 

وێنە گەورەکە: بەپێی کارنامەی کۆنفرانسەکە کە لەلایەن زانکۆی سۆران ڕێکخراوە، ئەمڕۆ ژمارەیەک بەرپرسی باڵا وتاریان  دەبێت، لەوانە د.ئومید سەباح، سەرۆکی دیوانی ئەنجوومەنی وەزیرانی کوردستان و د.شاخەوان عەبدوڵڵا، جێگەری سەرۆکی پەرلەمانی عێراق.

 

زانیاریی زیاتر: لەم دوو ڕۆژەدا ژمارەیەک پانێڵ رێکدەخرێن لەبارەی سروشتی دانیشتووان و پێکهاتەکانی کەرکووک لە پێکەوەژیانی ئاشتیانە، جێبەجێکردنی ماددەی 140ی دەستووری عێراق بە کوێ گەیشتووە؟، لەگەڵ جێبەجێکردنی یاسا نوێیەکەی پەرلەمانی عێراق بۆ گەڕاندنەوەی زەوی جووتیارانی کورد و چەند بابەتێکی تری پەیوەست بە کەرکووک و دەوروبەری.

 

لەلایەکی دیکەوە: ئەمە لەکاتێکدایە جووتیارانی کەرکووک دوای گرژی و ئاڵۆزییەکەی هەفتەی ڕابردوو، تاوەکو ئەم سێشەممەیە کە دەکاتە 25ی مانگ، مۆڵەتیان داوەتە لایەنە پەیوەندیدارەکان تاوەکو ڕێگەیان بدەن زەوییەکانیان بکێڵین و کێشەکان چارەسەر بکەن، دوای ئەو مۆڵەتە ڕاستەوخۆ دەست بە کێڵانی زەوییەکانیان دەکەنە، تەنانەت ئەگەر خوێنیش بڕژێت.