هیوا ئەفەندی: کێشەی مووچەی خانەنشینانی سەربازیی سلێمانی چارەسەر کراوە

ئاڤا نیوز

بەرپرسی فەرمانگەی تەکنەلۆژیای زانیاری ڕایدەگەیێنێت، کێشەی مووچەی خانەنشینانی سەربازیی سلێمانی چارەسەر کراوە و ئەو كەسانەی بە هەڵە مووچەی كەمیان پێدراوە، لە مانگی دوو قەرەبوو دەكرێنەوە.

چیرۆکی سەرەکی: لە مووچەی مانگی یەکی ئەمساڵ گرفت بۆ بەشێکی خانەنشینانی سەربازی بەتایبەت لە سنووری سلێمانی دورست بوو، ئێستاش ئەو گرفتە چارەسەر کراوە.

لێدوانی فەرمی: هیوا ئەفەندی، بەرپرسی فەرمانگەی تەکنەلۆژیای زانیاری بە ئاڤا میدیای ڕاگەیاند:

- کێشەی مووچەی خانەنشینانی سەربازیی سلێمانی چارەسەر کراوە، ناوەکانیان بە ڕێک و پێکی گەڕێنراوەتەوە نێو سیستمی پەیڕۆڵ.

- ئەو كەسانەی بە هەڵە مووچەی كەمیان پێدراوە، وامان کردووە لە مانگی دوو قەرەبوو بكرێنەوە. واتە لە ڕووی یاساییەوە کێشەکانیان چارەسەر کراوە، ئەگەر بێت و بەغدا هیچ بیانوونێک نەهێنێتەوە.