642 زیندانی فەڵەستینی ئازاد کران

ئاڤا نیوز

بەرەبەیانی ئەمڕۆ گەڕی 7ـی ئاڵوگۆڕی دیلەکان لە نێوان ئیسرائیل و حەماس چووە بواری جێبەجێکردنەوە و لەو چوارچێوەیەدا 642 زیندانی فەڵەستینی ئازاد کران.

وێنە گەورەکە: لە چوارچێوەی ئاگربەستی نێوان ئیسرائیل و حەماس، ئاڵوگۆڕی دیلەکان یەکێکە لە مەرجەکانی بەردەوامی ئاگربەست و بەرەبەیانی ئەمڕۆ لە بەرامبەر ڕادەستکردنەوەی 4 تەرمی بارمتەی ئیسرائیلی، 642 زیندانی فەڵەستینی کە ژمارەیەکی زۆریان ژن و منداڵ بوون ئازادکران.

بڵاوکراوەی فەرمی: بزووتنەوەی حەماس لە بڵاوکراوەیەکی فەرمیدا ڕایگەیاند: گەڕی 7ـەمی ئازادکردنی زیندانیکراوانی فەڵەستینی کە دەبوو هەفتەی ڕابردوو جێبەجیبکرێت بەرەبەیانی ئەمڕۆ لە بەرامبەر ڕادەستکردنەوەی 4 تەرمی بارمتەی ئیسرائیلی 642 زیندانی فەڵەستینی کە لە نێویاندا 151 زیندانی حوکمی لە سێدارەدانیان هەیە ئازاد کراون.

لە لایەکی دیکەوە: نوسینگەی بنیامین ناتانیاهۆ، سەرۆکوەزیرانی ئیسرائیل ڕایگەیاند: 4 تەرمی ئیسرائیلی لە ڕێگەی ڕێکخراوی خاچی سووری نێودەوڵەتییەوە ڕادەستی میسر کراوە و ئەمڕۆ دەگەڕێنرێنەوە خاکی ئیسرائیل.