دوای وەستانی بۆ ماوەی 12 ساڵ؛ قۆناغەکانی تەواوکردنی مۆنیۆمێنتی ڕاپەڕین دەستپێدەکاتەوە

ئاڤا نیوز

 

دوای تێپەڕبوونی زیاتر 12 ساڵ؛ بڕیارە لە چەند ڕۆژی داهاتوودا قۆناغەکانی دیکەی تەواوکردنی مۆنیۆمێنتی ڕاپەڕین دەستپێبکات.

 

لێدوانی فەرمی: ئومێد حەمە بەڕێوەبەری گشتیی ئاوەدانکردنەوە و نیشتەجێکردنی ڕاپەڕین بە ئاڤا نیوزی گوت: دیزانی پرۆژەکە ئامادەیە و بۆ قۆناغی دووەمی پرۆژەکە سێ ملیار دینار تەرخانکراوە و لە چەند رۆژی داهاتوو دەخرێتە تەندەرەوە.

 

لەلایەکی دیکەوە: حوسێن مەحموود قایمقامی ڕانیە بۆ ئاڤا نیوز ڕایگەیاند: قۆناغی دووەم و سێیەمی تەواوکردنی مۆنیۆمێنتەکە لەسەر ڕووبەری 26 دۆنم زەوی دەبێت و گەلەری و شانۆی ڕۆمانی و سەنتەری توێژینەوە و چەند بەشێکی دیکەش لەخۆدەگرێت و لە 10 ڕۆژی داهاتوو دەست بە جێبەجێکردنی قۆناغی دووەم دەکەن.

 

باکگراوند: مۆنیۆمێنتی شەهیدانی ڕاپەڕین لە دەروازەی ڕانیە دروستکراوە، بەڵام دوای تێپەڕبوونی زیاتر 12 ساڵ لە کۆی سێ قۆناغی مۆنیۆمێنتەکە تەنیا قۆناغێکی تەواوکراوە.