یەكەم لێدوانی ئەردۆغان دوای پەیامەکەی ئۆجەلان

 

ئاڤا نیوز

دوای بانگەوازەكەی عەبدوڵڵا ئۆجەلان بۆ چەكدانان و هەڵوەشاندنەوەی پەكەكە، ڕەجەب تەیب ئەردۆغان، سەرۆككۆماری توركیا یەكەم پەیامی بڵاوكردەوە و دەڵێت، قۆناغێكی نوێ لە توركیا دەستیپێكردووە.

وێنە گەورەكە: دوای بڵاوبوونەوەی پەیامی عەبدوڵڵا ئۆجەلان، ڕێبەری زیندانیکراوی پەکەکە بە چەكدانانی پەكەكە و هەڵوەشاندنەوەی، كاردانەوەی گەورەی جیهانی و ناوچەیی لێكەوتەوە و لەسەر ئاستی جیهان پێشوازیی ئەرێنی لێكرا بۆ زیاتر سەقامگیربوونی ناوچەی ڕۆژهەڵاتی ناوەڕاست.

لێدوانی فەرمی: رەجەب تەیب ئەردۆغان، سەرۆککۆماری تورکیا لەدوای بانگەوازەکەی ئۆجەلان بۆ "چەکدانانی پەکەکە" دەڵێت:

٠  لە ڕووبەڕووبوونەوەی تیرۆر قۆناغێکی نوێ لە تورکیا دەستیپێکردووە.

٠ کەسانێک هەن نایانەوێت کێشەکانمان چارەسەر ببن، دەبێت لە بەرامبەر تێکدانی وڵاتەکەیان هۆشیار بن.

٠ -40 ساڵە تیرۆر گەورەترین بەربەست بووە، ئێستا چووینە قۆناغێکی نوێ.

٠ دەرفەتێكمان لەپێشە بۆ هاویشتنی هەنگاوێكی مێژوویی بۆ ڕووخاندنی دیواری ئەو تیرۆرەی كە چەندین ساڵە لەنێوان برایانمان دروستكراوە.

٠ ئەركی سەرەكیمان؛ دروستكردنی كەشێكی ئارام و لەخۆگرتنە، بەجۆرێك هیچ كەس هەست بە پەراوێزخراوی نەكات.