کۆشکی سپی پشتیوانی لە بڕیارەکەی ئیسرائیل بۆ ڕاگرتنی هاوکارییەکانی غەززە دەکات

ئاڤا نیوز

 

کۆشکی سپی پاڵپشتی خۆی بۆ بڕیارەکەی ئیسرائیل بۆ ڕاگرتنی هاوکارییەکانی بۆ غەززە ڕاگەیاند، دوای ئەوەی حەماس ڕەتیکردەوە بە ئاگربەستی دووەم ڕازی بێت.

 

وێنە گەورەکە: دوێنێ 2-3-2025، نووسینگەی بنیامین ناتانیاهۆ، سەرۆکوەزیرانی ئیسرائیل بڕیاریدا بە ڕاگرتنی چوونە ناوەوەی سەرجەم هاوکارییە مرۆییەکان بۆ غەززە تا ئەو کاتەی حەماس ڕازی دەبێت بە قۆناغی داهاتووی ئاگربەست و سەرجەم بارمتەکان ئازاد دەکات، ئەم بڕیارە کاردانەوەی  وڵاتانی جیهانی بە دوای خۆیدا هێنا. 

 

ڕاگەیێنراوی فەرمی: برایان هیوز، وتەبێژی ئەنجوومەنی ئاسایشی نیشتمانی ئەمریکا ڕایگەیاند: '' لە سەرەتایی دەستپێکردنی دانووستانەکانی ئاگربەست ئیسرائیل هەموو هەوڵیکی داوە بە نیزپاکییەوە کاری کردووە بۆ ئازاد کردنی سەرجەم بارمتەکان بۆیە پشتگیری لە بڕیاری ئەو وڵاتە بۆ  دەکەین سەبارەت بە هەنگاوەکانی داهاتووی دژی حەماس'' .

 

لەلایەکی دیکەوە: زۆربەی وڵاتانی دیکە ئەم بڕیارەیان بە پێشلکردنی یاسا نێودەوڵەتییەکان دانا و داوا دەکەن بە زووترین کات ڕێگە بە چوونە ناوەوەی هاوکارییە مرۆییەکان بدرێت. 

بۆچی گرنگە: ئەم بریارەی ئیسرائیل وایکردووە هەزاران هاووڵاتیی فەڵەستینی بێبەش بن لە خۆراک و پێداویستی تەندروستی و کاریگەریی نەرێنی دەکاتە سەر بژێوی هاووڵاتییانی سڤیل.