ترەمپ پیرۆزبایی ڕەمەزان لە موسڵمانان دەکات

 

ئاڤا نیوز

دۆناڵد ترەمپ، سەرۆکی ئەمریکا بەبۆنەی هاتنی مانگی پیرۆزی ڕەمەزان پیرۆزبایی لە موسڵمانانی جیهان و ئەمریکا دەکات.

چیرۆکی سەرەکی: وەک نەریتێکی ساڵانە بە بۆبەی هاتنەوەی مانگی ڕەمەزان، سەرۆکەکانی ئەمریکا پیرۆزبایی لە موسڵمانان دەکەن بۆ ئەمساڵیش دوای تێپەڕبوونی سێ ڕۆژ بەسەر مانگی ڕەمەزان، دۆناڵد ترەمپ، سەرۆکی ئەمەریکا پیرۆزبایی لە موسڵمانانی جیهان و ئەمریکا کرد.

لێدوانی فەرمی:  دۆناڵد ترەمپ سەبارەت بە پیرۆزبایی مانگی ڕەمەزانی پیرۆز:

٠ ئەمڕۆ گەرمترین بەخێرهاتنی مانگی پیرۆزی ڕەمەزان دەکەم، کە کاتێکی پیرۆزە بۆ ڕۆژو و نوێژ و نزاکردن و کۆبوونەوەی کۆمەڵایەتی.

٠ ڕەمەزان کاتێکە بۆ دۆزینەوەی هیوا و هێز و ئیلهام بۆ ژیان بە پیرۆزی و سەرفرازی.

وەک هەمیشە جەخت لە ئازادی ئایینی دەکەم کە بەشێکی دانەبڕاوە لە شێوازی ژیانی ئەمریکییەکان.

٠ ئێمە ئیرادەی خۆمان بۆ بوونیادنانی داهاتوویەکی ئاشتی نوێ دەکەینەوە، و بۆ ناسینی ئەو کەرامەتەی کە لەسەر هەموو ڕۆحێکی مرۆڤ چەسپاوە.

٠ ئەم ڕەمەزانە، باشترین هیوا دەخوازم بۆ کاتێکی خۆشی بیرکردنەوە لە نیعمەت و خۆشەویستی بێ سنووری خودا. خوای گەورە لەم ڕەمەزانەدا ئێوە و خانەوادەکانتان بپارێزێت.

ئەوەی پێویستە بیزانیت: لە 2025-02-06، دۆناڵد ترەمپ لە کۆبوونەی ئەندامانی کۆنگرێس داوای لە کرد کە ئایین بۆ ژیانتان بگەڕێننەوە، هاوکار بن بۆ گەڕاندنەوەی ئایین بۆ نێو ژیانی ئەمریکییەکان هاوکات ڕایگەیاند: من لە دوای ئەوەی دووجار هەوڵی تیرۆر کردنم درا ئەوکات پەیوەندیم لەگەڵ ئاییندا زۆر باش بوو، ئازادی ئایین یەکێکە لە کۆڵەکەکانی ژیانی ئەمریکا و پێویستە پشتیوانی بەهێزی بکەین.