موقتەدا سەدر: کاتی خۆتان بە سەیرکردنی درامای عێراقییەوە مەکوژن

ئاڤا نیوز

 
ڕێبەری ڕەوتی نیشتمانیی شیعە، لەبارەی درامای عێراقییەوە هاتە دەنگ و دەڵێت " لەڕووی ناوەڕۆکەوە زۆر نزمە و هیچ ئامانجێکی نییە ".

 

چیرۆکی سەرەکی: دوای ئەوەی موقتەدا سەدر، ڕێبەری ڕەوتی نیشتمانیی شیعە لە کاری سیاسی دوورکەوتەوە، ئێستا لە نووسینگەکەی خۆی لەپارێزگای نەجەف بەردەوام وەڵامی پرسیاری شوێنکەوتووان و لایەنگرانی لە "چوارچێوەی شەریعەت و یاسا" دەداتەوە. 
 
بڵاوکراوەی فەرمی: بەگوێرەی بڵاوکراوەیەک کە واژۆی موقتەدا سەدر، ڕێبەری ڕەوتی نیشتمانیی شیعەی لەسەرە، لە وەڵامی پرسیارێک سەبارەت بە سەیرکردنی درامای عێراقی دەڵێت: ئامۆژگاری خەڵکی دەکەم سەیری درامای عێراقی نەکەن، چوونکە ناوەڕۆکێکی خراپ و نەگونجاوی هەیە و دورە لە ڕاستیی و نەریتی کۆمەڵگەی عێراقی و درۆی زۆری تێدایە."

 

زانیاریی زیاتر: سەدر ئەوەش گوت،  " پێویست ناکات جارێکی دیکە بپرسن سەیری درامای عێراقی بکەین یاخود نا، تەنیا کات کوشتن و سەیرکردنی ئەو جۆرە درامایانە یارمەتیدەرە بۆ گوناهکردن".

 
ئەمەش بزانە:  چەند ساڵێکە بەبۆنەی مانگی ڕەمەزانی پیرۆزەوە، چەندین درامای عێڕاقی لەکەناڵە عێراقییەکان پەخش دەکرێت، کە زۆربەیان بەرهەمی خودی کەناڵەکانن.