تورکیا و عێراق پرۆژەیەکی هاوبەش بۆ پرسی کەرکووک گەڵاڵە دەکەن

ئاڤا نیوز

لایەنە توركمان و عەرەبەكانی كەركووك لە ئەنقەڕە لەگەڵ هاكان فیدان، وەزیری دەرەوەی توركیا كۆدەبنەوە و بەپێی میدیا عێراقییەكان، باسیان لە پڕۆژەیەكی هاوبەشی توركیا و عێراق كردووە بۆ پرسی كەركووك.

چیرۆکی سەرەکی: شاندێكی لایەنە توركمانی و عەرەبەكانی كەركووك كە پێكهاتبوون لە حەسە تۆران، سەرۆكی لیستی یەكگرتووی توركمانی عێراق، ڕاكان جبووری، سەرۆكی هاوپەیمانی عەرەبی لە كەركووك، خالید موفەرجی، سەركردە لە حیزبی سیادە، ڕۆژی چوارشەممە 5-3-2025، سەردانی ئەنقەرەی پایتەختی توركیایان كرد و لەلایەن هاكان فیدان، وەزیری دەرەوەی ئەو وڵاتە پێشوازییان لێ كرا.

لێدوانە فەرمییەکان: بەپێی میدیا عێراقییەكان، لە كۆبوونەوەكە پرسی سیاسی و ئەمنیی پارێزگای كەركووكیان تاوتوێ كردووە، باسیش لە بەرژەوەندییە هاوبەشەكانی نێوان هەردوولا كراوە.

حەسەن تۆران لە لێدوانێكی ڕۆژنامەوانی باسی لە جێبەجێكردنی پڕۆژەیەكی هاوبەشی توركیا و عێراق كردووە.

هاکان فیدان لەو كۆبوونەوە جەختی لە یەكپارچەیی خاكی عێراق كردووەتەوە و بەپێویستی زانیوە مافی سەرجەم پێكهاتەكانی عێراق بەتایبەتیش پێكهاتەی توركمان لە عێراق پارێزراو بێت.