نەتەوە یەکگرتووەکان هۆشداری لەبارەی خراپبوونی دۆخی ‌غەززە دەدات

 

ئاڤا نیوز

نەتەوە یەکگرتووەکان زەنگی ئاگادارکردنەوەی لەبارەی خراپتربوونی دۆخی مرۆیی لە کەرتی غەززە لێدا و هۆشداریدا کە بەردەوامی داخستنی سەرجەم دەروازەکانی گەیاندنی هاوکارییەکان بۆ غەززە لێکەوتەی مرۆیی خراپی دەبێت.

چیڕۆکی سەرەکی: لەگەڵ تەواوبوونی قۆناغی یەکەمی ئاگربەستی غەززە ئیسرائیل ڕایگەیاند، ئەو هاوکارییە مرۆییانەی بۆ کەرتی غەززە دەنێردرێن حەماس وەک سەرچاوەی داهات بەکاریان دەهێنێت بەتایبەت بۆ مەبەستی جەنگ بەکاری دەهێنێت، هەر لەبەر ئەم هۆیەش تەواوی هاوکارییە مرۆییەکانی بۆ غەززە ڕاگرت.

لێدوانی فەرمی: ستیڤان دۆژاریک، وتەبێژی سکرتێری گشتی نەتەوە یەکگرتووەکان ڕایگەیاند، هێشتنەوەی دەروازەکانی غەززە بە داخراوی دەرئەنجامی مەترسیداری دەبێت، دانیشتووانی غەززە ناتوانن بڕی پێویستی خۆراک و کەرەستە سەرەتاییەکان بەدەستبهێنن.

زانیاریی بەدەستهاتوو: نەتەوە یەکگرتووەکان داوا لە لایەنەکان دەکات کار بکەن بۆ بەدیهێنانی ئاگربەستێکی ڕاستەقینە و کردنەوەی دەروازەکان بۆ گەیاندنی کۆمەک و یارمەتی بۆ دانیشتووانی غەززە.