ئەمریکا مافی پەنابەری لە هاووڵاتییانی ئۆکرانی وەردەگرێتەوە

ئاڤا نیوز

ئیدارەی نوێی ئەمریکا بڕیاریداوە مافی مانەوەی کاتی لە زیاتر 240 هەزار پەنابەری ئۆکراینی وەربگرێتەوە. 

وێنە گەورەکە: دوای ئەوەی لەماوەی چەند ڕۆژی ڕابردوودا، سەرۆکی ئۆکراینا سەردانی واشنتنی کرد و لەمیانەی کۆنگرەیەکی ڕۆژناوانی هاوبەشدا لەگەڵ دۆناڵد ترەمپ مشتومڕی تووند لە نێوانیان دروستبوو، بەهۆیەوە واژۆ لەسەر گرێبەستی کانزا دەگمەنەکان بۆ کاتێکی نادیار هەڵوەشایەوە. 

 

چیرۆکی سەرەکی: هاوکات لەگەڵ کۆبوونەوەی سەرکردەکانی ئەوروپا بۆ پشتیوانی لە ئۆکراینا بە ئامادەبوونی ڤۆلۆدیمێر زێلینسکی، دۆناڵد ترەمپ بڕیاریداوە بە لێوەرگرتنەوەی مافی پەنابەری 240 هەزار پەنابەری ئۆکراینی کە لە ئەمریکا دەژین. 

 

ڕاگەیێنراوی فەرمی: ئاژانسی هەواڵی رۆیتەرز لە زاری بەرپرسێکی باڵای ئیدارەی ترەمپ ئاشکرایکردووە، حکومەتی ئەمریکا پلانی هەیە مافی نیشتەجێبوونی کاتی لە 240 هەزار پەنابەری ئۆکراینی وەربگرێتەوە کە کاتی شەڕی ڕووسیا پەنایان بۆ ئەمریکا بردووە. 

 

زانیاریی زیاتر: ئەم هەوڵەی ئیدارەی ترەمپ لە چوارچێوەی هەڵمەتێکی فراوانە بۆ هەڵوەشانەوەی باری یاسای 1.8 ملیۆن کۆچبەر کە لە چوارچێوەی پڕۆگرامە مرۆمییە کاتییەکانی ئیدارەی بایدن هاتوونەتە ئەمریکا، چاوەڕوان دەکرێت ئەم بڕیارە لە مانگی نیسان بکەوێتە بواری جێبەجێ کردنەوە.