ئەمریکا قاچاخچێتیی نەوتی ئێران ناهێڵێت

ئاڤا نیوز

ئیدارەی دۆناڵد ترەمپ، سەرۆکی ئەمریکا بیر لە پلانێک دەکاتەوە بۆ ڕاگرتن و پشکنینی کەشتییە نەوت هەڵگرەکانی ئێران لە دەریادا بەپێی ڕێککەوتنێکی نێودەوڵەتی کە ئامانج لێی بەرپەرچدانەوەی بڵاوبوونەوەی چەکی کۆمەڵکوژە.

وێنە گەورەکە: دۆناڵد ترەمپ سوێندی خوارد کە زۆرترین فشار بۆ دابڕانی ئێران لە ئابووری جیهانی و نزمکردنەوەی ئاستی هەناردەکردنی نەوتی وڵاتەکە بگەیەنێتە سفر، ئەمەش بە مەبەستی ڕێگریکردن لە ئەو وڵاتە لە دەستکەوتنی چەکی ئەتۆمی.

زانیاریی زیاتر: ترەمپ لە هەفتەکانی یەکەمی خولی دووەمی سەرۆکایەتی خۆیدا بە دوو جار سزای نوێی بەسەر ئێراندا سەپاند، هاوکات سزاکان ئەو کۆمپانیا و کەشتیانەشی لەخۆگرتبوو کە لە سنوورە ئاوییەکاندا نەوتی ئێرانیان دەگواستەوە.

ئەوەی ئێستا ڕوودەدات: ئێستا بەرپرسانی ترەمپ چاویان لەو ڕێگایانەیە کە وڵاتانی هاوپەیمانی ئەمریکا دەیگرنەبەر بۆ ڕێگریکردن و پشکنینی ئەو کەشتیانەی لە ڕێڕەوە گرنگە ئاوییەکاندا هاتوچۆ دەکەن و دەیانەوێت کۆدەنگییەکی نێودەوڵەتی بۆ ئەو مەبەستە دروستبکەن.

ئەوەی پێویستە بیزانیت: ئەو هەنگاوانەی ئیدارەی ترەمپ تاڕادەیەکی زۆر دژیەک بوون لەگەڵ ئەو ڕێوشوێنە سنووردارانەی کە لە سەردەمی ئیدارەی جۆ بایدن سەرۆکی پێشوودا جێبەجێکرابوون، لەو ماوەیەدا ئێران سەرکەوتوو بوو لە بەرزکردنەوەی هەناردەکردنی نەوتی وڵاتەکەی لە ڕێگەی تۆڕە ئاڵۆزەکانی قاچاخچییەوە لە سنوورە ئاوییەکاندا.