ئێران ڕەتی دەکاتەوە نامەی ترەمپی بەدەست گەیشتبێت

 

ئاڤا نیوز

دوای ئەوەی ترەمپ ڕایگەیاند نامەی بۆ خامنەیی ناردووە، ئێران ڕەتی دەکاتەوە هیچ نامەیەکی دۆناڵد ترەمپ گەیشتبێتە دەست بەرپرسانی ئێران.

وێنە گەورەکە: ئەمڕۆ هەینی ترەمپ نامەیەکی ئاراستەی عەلی خامنەیی، ڕێبەری باڵای ئێران کردووە و پێی گوتووە کە بەرنامەی ئێران یان بە دانوستان یان بە ڕێگای سەربازی چارەسەر دەبێت کە ئەو پێی باشە بە ڕێگەی ڕێککەوتن چارەسەری بکەن.

لێدوانی فەرمی: گوتەبێژێک بە ناوی باڵیۆزخانەی ئێران لە نەتەوە یەکگرتووەکان ڕایگەیاند، ئێران هیچ نامەیەکی لەو جۆرەی بە دەست نەگەیشتووە کە تێیدا ترەمپ داوای کردبێت دانوستان بکەن.

لەلایەکی دیکەوە: عەباس عێراقچی، وەزیری دەرەوەی ئێران ڕایگەیاند، ئێران ئامادە نییە لە ژێر گوشار و سیاسەتی "ئەوپەڕی گوشار"دا کە ئەمریکا بە سەر ئێراندا سەپاندوویەتی، دانوستان بکات.