ئەمریکا ژمارەیەک کونسوڵخانەی لە ئەوروپا دادەخات

 

ئاڤا نیوز

ئیدارەی دۆناڵد ترەمپ لە پێناو کەمکردنەوەی خەرجییەکانی حکومەت بیر لە داخستنی ژمارەیەک لە کونسوڵخانەکانی دەکاتەوە کە بەشێکی زۆریان لە وڵاتانی ئەوروپان.

چیرۆکی سەرەکی: بە گوێرەی پلانی ئەمریکا، هەر یەکە لە کۆنسوڵخانەکانی ئەو وڵاتە لە لایپزیگ، هامبۆرگ و دۆسڵدرۆف لە ئەڵمانیا و هەروەها کۆنسوڵخانەی لە ستراسبۆرگ لە فەرەنسا و لە فلۆرانس لە ئیتالیا دادەخرێن.

زانیاریی بەدەستهاتوو: بە گوێرەی چەند سەرچاوەیەک، وەزارەتی دەرەوەی ئەمریکا دەیەوێت لە ڕێگەی داخستنی کۆنسوڵخانەکانەوە ژمارەی کارمەندەکانی لە سەر ئاستی جیهان کەم بکاتەوە.

لە لایەکی دیکەوە: ئەمریکا پلانی هەیە  بەشێک لە نووسینگەکانی سەر بە وەزارەتی دەرەوە کە لە بوارەکانی وەک مافی مرۆڤ، کۆچبەران و ژنان کاردەکەن تێکەڵ بکات و بەمەش خەرجییەکانیان کەم دەکاتەوە.