ئەحمەد شەرع : نامانەوێت خوێنی کەس بڕژێت

ئاڤا نیوز

سەرۆککۆماری سووریا لەمیانەی پێشکەشکردنی وتارێکدا لەبارەی ئەو شەڕ و پێکدادانەی لە سووریا ڕوویداوە ڕایگەیاند، ئێـمە نامانەوێت خوێنی هیچ کەسێک بڕژێت. 

چیرۆکی سەرەکی: دوای ئەوەی لە کەناراوەکانی سووریا پێکدادان لە نێوان هێزەکانی ئاسایشی سووریا و پاشماوەکانی ڕژێمی بەشار ئەسەد ڕوویدا و زیاتر لە 114 چەکدار لە هەردوو بەرەکە کوژران، هێزە ئەمنییەکانی سووریا توانییان جارێکی دیکە سەرجەم ناوچەکانی شەڕ لە حەمس و تەرتوس و لازقییە کۆنتڕۆڵ بکەنەوە.

 

ڕاگەیێنراوی فەرمی: ئەحمەد شەرع، سەرۆککۆماری نوێی سووریا بۆ قۆناغی ڕاگوزەر ڕایگەیاند: هاونیشتمانییانی کەناراوەکان بەشێکن لە بەرپرسیارێتی ئێمە و ئەرکی هێزە ئەمنییەکانە بیانپارێزن و هەرکەسێکیش هێرش بکاتە سەر هاووڵاتییانی سڤیل لێپرسینەوەی لەگەڵ دەکرێت.

 

- هێزە ئەمنییەکان بەردەوام دەبن لە ڕاوەدوونانی پاشماوەی ڕژێمی ئەسەدی لەناوچوو و دەبێت تاوانباران بدرێنە دادگا.

- پێویستە بەزوترین کات هەموو پاشماوەکانی ڕژێمی لەناوچوو خۆیان و چەکەکانیان ڕادەستی هێزە ئەمنییەکان بکەن، ئاشتەوایی کۆمەڵایەتیی بپارێزن.

- سووریا بەردەوام لە پێشڕەویدایە و یەک هەنگاو بۆ دواوە ناگەڕێتەوە .