وەزارەتی پەروەردە گرێبەستی زیاتر لە شەش هەزار و 500 مامۆستا نوێ دەكاتەوە

ئاڤا  نیوز

وەزارەتی پەروەردە گرێبەستی سەرووی شەش هەزار و 500 مامۆستا نوێ دەكاتەوە كە لەسەر میلاكی پەروەردەكانی سنووری پارێزگای سلێمانی دامەزراون.

وێنە گەورەكە: بەپێی فەرمانێكی وەزاریی وەزارەتی پەروەردەی هەرێمی كوردستان كە وێنەیەكی دەست ئاڤا كەوتووە، دوای ڕەزامەندی وەزارەتی دارایی و ئابووریی هەرێمی كوردستان، بڕیاردرا بە نوێكردنەوەی گرێبەستی دامەزراندنی شەش هەزار و 589 كەس بە ناونیشانی مامۆستا لەسەر میلاكی بەڕێوەبەرایەتیی گشتیی پەروەردەی سلێمانی، سنووری پەروەردەكانی (ڕۆژهەڵات، ڕۆژئاوا، دەربەندیخان، سەید سادق، پێنجوێن، دوكان، چەمچەماڵ، شارباژێر، قەرەداغ، شارەزوور) بۆ ماوەی یەك ساڵ.

نووسراوی فەرمی: بەپێی فەرمانی وەزاریی وەزارەتی پەروەردە، ئەو مامۆستایانەی گرێبەستەكانیان نوێ دەكرێتەوە، مەرجە هیچ مووچەی دیكەی حكومییان نەبێت و بەردەوامیش بن لەسەر كار، هەروەها داوای گواستنەوەی ڕاژەكانیان نەكردبێت بۆ سنووری پەروەردەی پارێزگایێكی دیكە مەگەر بە هۆكارێكی گونجاو و ناچاری.