نەتەوە یەکگرتووەکان هۆشداریی قەیرانی خۆراک لە غەززە دەدات

ئاڤا نیوز

 

پرۆگرامی خۆراکی جیهانی سەر بە نەتەوە یەکگرتووەکان لە ڕاپۆرتێکدا هۆشدارییەکی تووند بڵاودەکاتەوە، بەتایبەت لەبارەی ئاسایش و قەیرانی خۆراک لە کەرتی غەززە و كه‌ناری ڕۆژئاوا. 

ڕاگەیێنراوی فەرمی: پرۆگرامی خۆراکی جیهانیی سەر بە نەتەوە یەکگرتووەکان لە ڕاپۆرتێکدا ڕایگەیاند، بەهۆی داخستنی دەروازەکان هیچ هاوکارییەکی ڕێکخراوەکە نەگەشتووه‌تە کەرتی غەززە، بەمەش نرخی خۆراک به‌تایبه‌تی ئارد، شەکر، خۆراکەکانی دیکە، بەڕێژەی %200 بەرزبووەتەوە، هاوکات بەهۆی چالاکییە سەربازییەکانی کەناری ڕۆژئاوا دابەشکردنی خۆراک سنوورداربووە.

باکگراوند: لە دوای کۆتاییهاتنی قۆناغی یەکەمی ئاگربەست لە غەززە لەنێوان حەماس و ئیسرائیلدا، لە 2-3-2025 نووسینگەی بنیامین نەتانیاهۆ، سەرۆکوەزیرانی ئیسرائیل بڕیاریی ڕاگرتنی سەرجەم دەروازەکانیدا بەمەش تەواوی هاوکارییە مرۆییەکان بۆ کەرتی غەززە ڕاگیران.