ساڵی ڕابردوو 750 هەزار تۆن سەوزە و میوەی کوردستان لە ناوەڕاست و خوارووی عێراق بە بازاڕ کراوە

ئاڤا نیوز 

 

ئامارێکی کشتوکاڵی هەولێر دەریدەخات ساڵی ڕابردوو نزیکەی 750 هەزار تۆن سەوزە و میوەی سنووری پارێزگای هەولێر لە بازاڕەکانی باشوور و ناوەڕاستی خوارووی عێراق ساغکراوەنەتەوە.

 

وێنە گەورەکە: ساڵانە لە وەرزی هاویندا بەرهەمی ناوخۆیی هەرێمی کوردستان هەناردەی شارەکانی دیکەی عێراق دەکرێت و بەشێکی دیکەی بەرهەمی ناوخۆیی وەک پەتاتە و سێو لە وڵاتانی جیهان ساغ دەکرێنەوە.

 

لێدوانی فەرمی: هێمن سەید موراد، بەڕێوەبەری کشتوکاڵی هەولێر بە ئاڤا میدیای وت، ساڵی ڕابردوو بە تێکڕا نزیکەی 750 هەزار تۆن سەوزە و میوە لە شارەکانی ناوەڕاست و خوارووی عێراق بە بازاڕ کراوە. لەگەڵ ئەوەشدا نزیکەی 20 هەزار تۆن پەتاتە بۆ چەند وڵاتێکی کیشوەری ئاسیا و وڵاتانی ئەفریقا ڕۆیشتووە.
  
زانیاریی زیاتر: بەگوێرەی وتەی بەڕێوەبەری کشتوکاڵی هەولێر، لە سێ مانگی یەکەمی ئەمساڵ بەهۆی پێنەگەیشتنی بەرهەمی ناوخۆیی هیچ بەرهەمێک هەناردەی دەرەوە نەکراوە، ئەو بەرهەمەی لە بازاڕ هەیە هی پێشووترە و لە ساردخانەکان هەڵگیراوە.