وەزارەتی دەرەوەی ڕووسیا و ئێران کۆدەبنەوە

ئاڤا نیوز

 

جێگری وەزیری دەرەوەی ڕووسیا لەگەڵ وەزیری دەرەوی ئێران لە تارانی پایتەخت کۆبوونەوەیەکیان ئەنجامدا.

 

وێنە گەورەکە: لە درێژەی هەوڵەکانی ڕووسیا و ئێران و چین بۆ دروستکردنی هاوبەشیەکی بەهێز لە ئاستی دیپلۆماسی و بازرگانیدا، ئەلێکساندەر گروشکۆ، جێگری وەزیری دەرەوەی ڕووسیا سەردانی ئێرانی کرد و لەگەڵ عەباس عێراقچی، وەزیری دەرەوی ئێران لە تارانی پایتەخت کۆبوویەوە، هەردوولا جەختیان لەسەر بەهێزکردنی پەیوەندیەکانی هەردوو دەوڵەت و دروستکردنی هاوبەشی سێلایەنە لەگەڵ چین کردەوە.

 

بڵاوکراوەی فەرمی: وەزارەتی دەرەوی ئێران لە بڵاوکراوەیەکی فەرمیدا ڕایگەیاند، کۆبوونەوەکە بە مەبەستی پتەوکردنی پەیوەندی نێوان هەردوو دەوڵەتی ڕووسیا و ئێران بووە و تێیدا جەخت کراوەتەوە لەسەر بەردەوامی کۆبوونەوەی سێلایەنەی نێوان ڕووسیا، ئێران و چین و کارکردن لەسەر هەڵوێستی هاوبەش لە پرسە نێودەوڵەتی و ناوچەییەکاندا، پاراستنی بەرژەوەندی هەرسێ دەوڵەت و بە‌هێزکردنی پەیوەندییە ئابووری و بازرگانیەکان تەوەرێکی گرنگی کۆبوونەوەکە بوو.

 

زانیاریی زیاتر: هەینی ڕابردوو 14-3-2024 کۆبوونەوەیەکی سێلایەنە لە نێوان جێگرانی وەزیری دەرەوەی چین، ڕووسیا و ئێران لە پەکینی پایتەختی چین لە پێناو هاوهەڵوێستی لەسەر پرسی بەرنامەی ئەتۆمی ئێران ئەنجامدرا.