ئاڤا هۆكارەكانی زیادبوونی تەڵاق لە هەرێمی کوردستان دەخاتەڕوو

ئاڤا نیوز

بەپێی ئامارەکانی ئەنجوومەنی دادوەریی هەرێمی كوردستان لەماوەی ساڵێکد زیاتر لە 12 هەزار حاڵەتی جیابوونەوەی هاوسەرگیری تۆمارکراون.

وێنە گەورەكە: ئەنجوومەنی دادوەریی هەرێمی كوردستان ئامارەكانی هاوسەرگیری و جیابوونەوەی ساڵی ڕابردووی سەرجەم دادگاكانی هەرێمی كوردستانی بڵاوكردەوە.

ژمارەكان وادەڵێن: لەماوەی ساڵێكدا 12 هەزار و 384 حاڵەتی جیابوونەوە لە دادگاكان تۆماركراون، بەراورد بە ساڵی 2023، ڕێژەكە بەرزبووەتەوە كە لەو ساڵەدا 12 هەزار و 199 حاڵەتی جیابوونەوە تۆماركرابوو.

هۆكارە زانراوەكان: ئەنجوومەنی دادوەری لە ئامارەكاندا ئاماژەی بە هۆكارەكانی جیابوونەوە كردووە، دەردەكەوێت؛ نەگونجان لەگەڵ یەكتر بەهۆی جیاوازی تەمەن، خیانەتی هاوسەرگیری (داوێن پیسی)، نەبوونی ماڵی جیا، مۆبایل و ئینتەرنێت، ئاڵوودەبوون بە ماددەی هۆشبەر، هۆكارە سەرەكییەكانی جیابوونەوەی نێوان هاوسەرانن لە هەرێمی كوردستان.

زانیاریی زیاتر: نەزۆكی، ژنهێنانی دووەم، تووشبوون بە نەخۆشی، هۆكاری ئابووری و هۆكاری ئایینی، بەشێكی دیكەن لە هۆكارەكانی جیابوونەوە و هەڵوەشاندنەوەی خێزان لە هەرێمی كوردستان.