عادل عەبدولمەهدی بۆ کەمکردنەوەی گرژییەکانی دەریای سوور لە یەمەنە

ئاڤا نیوز

 

لەکاتێکدا یەمەن لەژێر ئاگر و بۆردوومانی ئەمریکا و هاوپەیمانەکانیدایە، سەرۆکوەزیرانی پێشووتری عێراق بەشێوەیەکی لەناکاو لەو وڵاتە دەرکەوت، دەوترێت سەردانەکەی بەشێکە لە هەوڵە نێودەوڵەتییەکان بۆ کەمکردنەوەی گرژییەکانی دەریای سوور.

 

ئەوەی پێویستە بیزانیت: ڕۆژانی 22 تا 25ی ئازار لە شاری سەنعای پایتەختی یەمەن سێیەمین کۆنگرەی نێودەوڵەتیی فەڵەستین بەڕێوەدەچێت، تیایدا هەشت وڵات بەفەرمی بەشدار دەبن و دەیان کەسایەتیی و توێژەریش بانگهێشتکراون، دەوترێت سەرۆکوەزیرانی پێشووتری عێراق بەشداریی لەو کۆنگرەکەیەشدا دەکات.

 

بینراو و بیستراو: چەند کاتژمێری ڕابردوو دیمەنی ڤیدیۆیی سەردانەکەی عادل عەبدولمەهدی، سەرۆکوەزیرانی پێشووتری عێراق بۆ یەمەن کاردانەوەی زۆری لێکەوتەوە، پرسیاری ئەوە دروستبوو کە ناوبراو لەم کاتەدا بە چ ئامانجێک سەردانی یەمەنی کردووە.

 

زانیاریی بەدەستهاتوو: سەردانەکەی عەبدولمەهدی لە چوارچێوەی هەوڵە نێودەوڵەتییەکانە بۆ نێوەندگیریی بە ئامانجی کەمکردنەوەی گرژییەکانی دەریای سوور، ناوبراو نامە و وەڵام و وەڵامکاریی ئەمریکا و ئێرانی هەڵگرتووە، ئەو دوو وڵاتەش چاویان لە پێشنیازەکانە بە ئامانجی کەمکردنەوەی گرژییەکانی دەریای سوور.