پزیشکێک بە دوو ڕووداوی هاتووچۆی یەک لەدوای یەک گیان لەدەست دەدات

ئاڤا نیوز

پزیشکێکی نەخۆشخانەی گشتیی مێرگەسۆر بە ڕووداوی هاتووچۆ گیانلەدەست دەدات و مردنەکەی دەنگدانەوەی زۆر دروست دەکات.

چیرۆکی سەرەکی: بەرەبەیانی ئەمرۆ هەینی 21-3-2025، لەکاتی ئەرکی فەرمی لە نەخۆشخانەی گشتیی مێرگەسۆر و گواستنەوەی نەخۆشێکی برینداری ناحیەی شێروان مەزن بۆ نەخۆشخانەی بلێ، ئامبوڵانسەکەیان لە نزیک گەلی ئەشکەفتێ تووشی پێکدادان دەبێت.

ئەوەی پێویستە بیزانیت: دوای ڕووداوەکە، دەستبەجێ بریندارەکان بە ئۆتۆمبێلێکی دیکەی ئاسایی دەگوازرێنەوە، بەڵام جارێکی دیکە تووشی ڕووداوی هاتووچۆ دەبن و ئۆتۆمبێلەکەیان وەردەگەڕێت، لە دەرەنجامی ڕووداوەکە پزیشکێک بەناوی د. قەحتان جیهان سوورچی گیانلەدەست دەدات، کارمەند و شوفێر و هاوەڵانیشی بریندار دەبن.

ڕاگەیێنراوی فەرمی: وەزارەتی تەندروستی لەبارەی پزیشکەکەوە ڕایگەیاند: پزیشکی نیشتەجێی خولاو بوو لە شاری هەولێر، دۆستانە لەگەڵ هاوپیشەکانی بەڕێکوپێکی، دڵسۆزانە کار و ئەرکەکانی پیشەیی پێشکەش بە نەخۆشان و هاووڵاتیان دەکرد.