سوپای پاسدارانی ئێران: ئەگەر دوژمن هەڵە بکات دەیانێرینە دۆزەخ

 

ئاڤا نیوز

ئەمریکا بڕیاریداوە ژمارەی هێزەکانی لە دەریای سوور زیاد بکات، کە هاوپەیمانەکانی ئێران و بە تایبەت حووسییەکانی یەمەنی لێن، ئێرانیش دەڵێت، دوژمن هەر هەڵەیەک بکات دەیانێرینە دۆزەخ.

وێنە گەورەکە: ڕۆژی 15ـی ئادار، بە بڕیاری دۆناڵد ترەمپ، ئەمریکا چالاکیی سەربازی یەکلاکەرەوە و بەهێزی لە دژی حووسییەکانی یەمەن دەستپێکرد.

لێدوانی فەرمی: عەلی رەزا تەنگەسیری، فەرماندەی هێزی دەریایی سووپای پاسدارانی ئێران ڕایگەیاند:

٠ هەرگیز لە گەرووی هورمز چاومان لەسەر دوژمنەکانمان هەڵناگرین و لە بەرزترین ئاستدا لە ئامادەباشیداین.

ئەگەر دوژمن کارێکی گەمژانە بکات، دەیاننێرین بۆ قوڵایی دۆزەخ.

٠ ئەگەر شەڕێک ڕووبدات، لە شوێنێکەوە لە دوژمن دەدەین کە هەرگیز بیری لێ نەکردۆتەوە.

باکگراوند: لە نامەیەکیدا بۆ ڕێبەری باڵای ئێران، دۆناڵد ترەمپ، سەرۆکی ئەمریکا داوای دەستپێکردنەوەی دانوستانەکانی لەسەر بەرنامە ئەتۆمییەکەی ئێران کردووە، هاوکات ئەمریکا هۆشداری داوەتە ئێران ئەگەر شەڕ لە نێوانیاندا ڕووبدات ئێران زەرەرمەند دەبێت.

عەلی خامەنییش  ڕایگەیاندبوو، هەڕەشەی ئەمریکییەکان کاریگەریی لەسەر ئێران نابێت و هەڕەشەی ئەوەشی کردبوو کە ئەگەر ئەمریکا هەڵەیەک بکات ئەوا زەبری کاریگەری بەر دەکەوێت.