کارەبای سلێمانی: لە سنووری دەرەوەی شار زیاتر لە277 هەزار هاوبەشی کارەبا قەرزدارن

ئاڤا نیوز

بەڕێوەبەرایەتی كارەبای سلێمانی ئاشكرای دەكات، لەسنووری بەڕێوەبەرایەتییەكانی دابەشكردنی كارەبای دەرەوەی سلێمانی، لە 362 هەزار هاوبەشی كارەبا، زیاتر لە 277 هەزار هاوبەش قەرزدارن.

وێنە گەورەكە: بەگشتی لەسنووری بەڕێوەبەرایەتی گشتیی كارەبای سلێمانی 541,865 هاوبەشی كارەبا هەن كە زۆربەی زۆریان كرێی كارەبایان نەداوە.

 

 ڕاگەیێنراوی فەرمی: بەڕێوەبەرایەتیی كارەبای سلێمانی لە ڕاگەیێنراوێكدا ڕوونی دەكاتەوە، لەكۆی هاوبەشەكانی هەردوو بەشی فرۆشیاری وزەی ڕۆژهەڵات و ڕۆژئاوای سلێمانی، 362.526 هاوبەشی كارەبا هەن كە 85 هەزار هاوبەش هیچ قەرزێكیان لەلا نییە و زیاتر لە 58 هەزار هاوبەش كەمتر لە 100 هەزار دینار قەرزارن، 83 هەزار و 477 هاوبەشیش دوو بۆ پێنج ملیۆن دینار قەرزارن و سەرووی 15 هەزار هاوبەش 5 بۆ 10 ملیۆن دینار قەرزارن و 133 هاوبەشیش سەرووی 10 ملیۆن دینار قەرزارن.

 

ژمارەكان وادەڵێن: نزیكەی 300 هەزار هاوبەش، هاوبەشی ماڵانن، زیاتر لە 46 هەزار هاوبەشی بازرگانین، 714 هاوبەشی پیشەسازین و 12 هەزار و 553 لە بەشداربووان، هاوبەشی كشتوكاڵین و سەرووی سێ هەزاریش هاوبەشی میرین.