تیمێكی سەربازی ئەڵمانی هاوکاریی ژمارەیەک برینداری ڕێگەی کۆیە دەکات

ئاڤا نیوز

 

لەڕێگەی نێوان هەولێر - كۆیە و لەنزیك گوندی گۆمەتاڵ، سێ ئۆتۆمبێل خۆیان پێكدادەدەن، بەهۆیەوە پێنج كەس بە سەختی بریندار دەبن و تیمێکی سەربازی ئەڵمانیا بەهانایانەوە دەچن.

 

چیرۆكی سەرەكی: لە ساتەوەختی ڕووداوەكە كاروانێكی سەربازی ئەڵمانیا كە ئەركی مەشق و ڕاهێنانی هێزەكانی پێشمەرگەیان لەئەستۆدایە، بە شوێنی ڕووداوەكە تێپەڕدەبن، ئیتر فریاگوزاریی سەرەتایی بە بریندارەكان دەگەیەنن و چارەسەریی پێویستییان پێ دەدەن، تا دەگەیێندرێنە نەخۆشخانە.

 

ئەوەی لەبارەیەوە دەوترێت: ڕێگەی كۆیە-هەولێر بەهۆی زۆری ڕووداوەكانی هاتووچۆ و خراپی ڕێگەكە كە یەك سایدە و چاڵ و تاسەی زۆر تێدایە، بەڕێگەی مەرگ دەناسێنرێت و دەیان هاووڵاتی بوونەتە قوربانی.

 

خاڵی ئەرێنی: ئەوەندەی نەماوە هاونیشتمانیان بەیەكجاری لەمەترسی ئەو ڕێگەیە ڕزگاریان بێت، ئەوەش دوای تەواوبوونی پڕۆژە گەورەکەی مەسرور بارزانی، پڕۆژەی جووتسایدی هەولێر-كۆیە كە ئیشكردن لەپڕۆژەكە بە چڕی بەڕێوەدەچێت.