سبەی پەرلەمانی عێراق بڕیار لەسەر بەپارێزگابوونی هەڵەبجە دەدات

ئاڤا نیوز

لەسەر داوای شاخەوان عەبدوڵڵا، سەرۆكی پەرلەمان و جێگری یەكەمی سەرۆكی پەرلەمانی عێراق ڕەزامەندی درا لەسەر ئەوەی سبەی لە دانیشتنی پەرلەماندا پڕۆژە یاسای بەپارێزگابوونی هەڵەبجە بخرێتە دەنگدانەوە.

لێدوانی فەرمی: شاخەوان عەبدوڵڵا، جێگری سەرۆكی پەرلەمانی عێراق، ڕایگەیاند: ڕەزامەندیی سەرۆکی پەرلەمان و جێگری یەکەمی سەرۆکی پەرلەمانم وەرگرت بۆ ئەوەی دەنگدان لەسەر پرۆژە یاسای بەپارێزگابوونی هەڵەبجە بخرێتە بەرنامەی کاری پەرلەمانەوە بۆ دانیشتنی سبەی رۆژی سێشەمە، بەمەش لەلایەک داوایەکی سەرۆک بارزانی لە سەرۆکایەتی پەرلەمان و ئەو بەڵێنەی دابوومان بە نوێنەر و کەسایەتییەکانی هەڵەبجە جێبەجێ کرا.

- لەگەڵ فراكسیۆنەكانی نێو پەرلەمان گفتوگۆ كراوە بۆ ئەوەی پرۆژە یاسای بەپارێزگاربوونی هەڵەبجە تێپەڕێندرێت و پەسەند بكرێت.