خزمەتگوزاریی ئینتەرنێت لە تەواوی سووریا پچڕاوە

ئاڤا نیوز

 

ڕێکخراوی چاودێری ئینتەرنێتی نێت بلۆکس بڵاویکردووەتەوە، سەرلەبەیانی ئەمڕۆ سێشەممە تۆڕی ئینتەرنێت لە تەواوی سووریا پچڕاوە.

 

چیرۆکی سەرەکی: ماڵپەڕی نێت بلۆکس تایبەت بە کارکردنی ئینتەرنێت لە تەواوی وڵاتان و چاودێری خێرایی و بەکارهێنانی دەکات بڵاویکردووەتەوە، بە گوێرە داتاکانییان، تۆڕی ئینتەرنێت لە تەواوی سووریا پچڕاوە، هەروەها هەندێک ڕاپۆرتیان بەدەست گەیشتووە کە تۆڕی پەیوەندییەکانیش لە چەند شارێکی وڵاتەکە پچڕاوە.

ئەوەی لەبارەیەوە دەگوترێت: چالاکوانانی تۆڕە کۆمەڵایەتییەکان لە تۆڕی کۆمەڵایەتی ئێکس بڵاویانکردووەتەوە، کە تاوەکو ئێستا هۆکاری ئەو پچڕانە دیار نییە. 

 

باکگراوند: ئەمە یەکەم جار نییە تۆڕی ئینتەرنێت لە سووریا دەپچڕێت، بەڵکو چەند جارێکی دیکەش لە مانگی شوباتی ڕابردوو هێڵی ئینتەرنێت لە سووریا پچڕاوە، بە تایبەت لە سوەیدا و دەرعا، لایەنی فەرمی حکومەتی هۆکاری پچڕانەکەی بۆ تێکدان و گێرەشێوێنی دەگەڕێنێتەوە.