نەتەوەیەکگرتووەکان: 20 ملیۆن کەس لە یەمەن پێویستیان بە هاوکاریی مرۆیی هەیە

ئاڤا نیوز

 

دەزگای کۆچی نەتەوەیەکگرتووەکان لەبارەی دۆخی یەمەنەوە دەڵێت، نزیکەی 20 ملیۆن کەس پێویستیان بە هاوکاریی مرۆیی هەیە.

 

وێنە گەورەکە: 11 ساڵە  شەڕ و ململانێ لە یەمەن بەردەوامە، بەهۆی ئەمەشەوە خەڵکێکی زۆر دووچاری ئاوەرایی و دەربەدەری بوونەتەوە و هاوکارییەکانیش بەپێی پێویست نین، ڕێکخراوی نێودەوڵەتیی کۆچبەران هۆشداری دەدات لەوەی دۆخی خەڵک و ناوچەکە خراپە.

 

بڵاوکراوەی فەرمی: ڕێکخراوی نێودەوڵەتیی کۆچی نەتەوەیەکگرتووەکان لە بەیاننامەیەکدا ڕایگەیاند، زیاتر لە 4.8  ملیۆن کەس بە ئاوارەیی ماونەتەوە و زۆربەیان لە شوێنی داڵدەدانی کاتیدا دەژین و دەستڕاگەیشتنیان بە خۆراک و چاودێریی تەندروستی و پاراستن سنووردارە، هاوکات نزیکەی 20 ملیۆن کەس پێویستیان بە هاوکاریی مرۆیی هەیە.

 

لێدوانی فەرمی: ئیمی پۆپ، بەڕێوەبەری گشتیی ڕێکخراوی نێودەوڵەتیی کۆچ دەڵێت، سەرنجی جیهان لەسەر شەڕی یەمەن کاڵ بووەتەوە، بەڵام بۆ ئەوانەی لەو شەڕەدا دەژین ئازارەکانیان هەر نوێن، ئێستا زیاتر لە جاران پشتیووانی جیهانیی پێویستە بۆ ئەوەی ملیۆنان کەس کە لەو وڵاتە دەژین و دەستیان بە پێداویستییە سەرەتاییەکان بگات."

 

زانیاریی بەدەستهاتوو: بەگوێرەی چاودێرییەکانی نەتەوەیەکگرتووەکان، ژنان و منداڵان بەردەوام بەدەست مەترسیی توندوتیژی و بەدخۆراکی و خراپی دۆخی تەندروستی دەناڵێنن.