چاودێری بازرگانی هەولێر: لە ڕەمەزاندا دەستمان بەسەر 60 تۆن کەلوپەلی ماوەبەسەرچوودا گرتووە

ئاڤا نیوز

 

چاودێری بازرگانی هەولێر لەماوەی مانگی ڕەمەزاندا هەڵمەتی گەڕان و پشکنینی بۆ زۆرینەی ناوەندە بازرگانییەکان کردووە و دەستی بەسەر 60 تۆن کەلوپەل و خواردنی ماوەبەسەرچوودا گرتووە. 

 

چیرۆکی سەرەکی: بەمەبەستی ڕێگریکردن لە فرۆشتنی خواردن و کەلوپەلی ماوەبەسەرچوو، لیژنەکانی چاودێری بازاڕ تەنیا لەماوەی مانگی ڕەمەزاندا سەردانی 910 کۆمپانیا، مارکێت، شیرینەمەنی، کۆگا، کارگە و نانەواخانەی لە هەولێر کردووە.

 

لێدوانی فەرمی: هۆگر عەلی، بەڕێوەبەری چاودێری بازرگانی هەولێر بە ئاڤای ڕاگەیاند: "لە مانگی ڕەمەزاندا کارەکانی لیژنەکانمان فراونتر کرد و دەستمان بەسەر نزیکەی 60 تۆن فرۆشتنی کەلوپەلی خراپ و ماوەبەسەرچوودا گرت.

 

زانیاریی زیاتر: لەسەر ساختەکاری و بوونی کەلوپەلی ماوەبەسەرچوو، لە ڕەمەزاندا 273 شوێن بە زیاتر لە 66 ملیۆن دینار سزادراون، 34 شوێن داخراون، 2 کەیسێش رەوانەی دادگا کراون.