ئەمڕۆ کابینەی نوێی سووریا پێکدەهێنرێت

ئاڤا نیوز

 

دوای چوار مانگ لە کەوتنی دەسەلاتی بەشار ئەسەد لە سووریا، ئەمڕۆ بەفەرمی سووریا قۆناغێکی نوێ دەستپێدەکات و پێکهێنانی کابینەی نوێی حکومەتەکەی ڕادەگەیێنرێت.

 

زانیاریی بەدەستهاتوو: بەپێی زانیارییەکان، بڕیارە ئیدارەیی نوێی سووریا ئەمڕۆ شەممە 29-3-2025 کاتژمێر 10ی شەو بەکاتی دیمەشق، حکومەتی نوێ بۆ وڵاتەکە پێکبهێنێت، ئەمەش دوای بڕیاری ئەحمەد شەرع، سەرۆککۆماری نوێی سووریا بۆ قۆناغی ڕاگوزەر دێت کە هاوکاتە لەگەڵ پێکهێنانی ئەنجوومەنی باڵای فەتوا لە سووریا و دیاریکردنی موفتییەکی نوێ. 

 

ئەوەی پێویستە بیزانیت: دوای نزیکەی چوار مانگ لە نەمانی دەسەڵاتی ئەسەد، دوای ململانێیەکی 14 ساڵە، دەسەڵاتدارانی سووریا لە ناوەڕاستی مانگدا بەیاننامەیەکی دەستووری بۆ ماوەی ئینتقالی پەسەند کرد، ماوەکەشی بۆ پێنج ساڵە دیاریکراوە, ئەحمەد شەرع، سەرکردایەتیی ئەم قۆناغە دەکات. 

 

باکگراوند: هێزەکانی تەحریرولشام لە ئۆپەراسیۆنێکی 11 ڕۆژیدا بەنێو شار و گووندەکانی سووریا بڵاوبوونەوە لە 8-12-2025 توانیان دەسەڵاتی تەواوەتی بگرنە دەست و کۆتایی بە ڕژێمی 54 ساڵەی بنەماڵەی ئەسەد بهێنن.