ئێران هەڕەشە لە ئەمریکا و بەریتانیا دەکات

ئاڤا نیوز

 

کۆماری ئیسلامی ئێران هەڕەشە لە بنکەی هاوبەشی نێوان بەریتانیا و ئەمریکا دەکات لە زەیای هیندی. 

 

وێنە گەورەکە: ڕۆژنامەی تەلەگرافی بەریتانی لە نوێترین بڵاوکراوەیدا باسی لەوە کردووە، ئێران هۆشداریداوە بە ئەمریکا لە ئەگەری هەر هێرشێک بۆسەر بەرژەوەندییەکانی وڵاتەکەی ڕاستەوخۆ هێرش دەکاتە سەر هێزەکانی بەریتانیای هاوپەیمانی لە دوورگەکانی چاگۆس لە زەریا هیندی. 

 

لێدوانی فەرمی: کاربەدەستێکی باڵای ئێران بە تەلەگرافی ڕاگەیاندووە، لە ئەگەری بوونی هەر هێرشێک تاران بنکەی هاوبەشی ئەمریکا و بەریتانیا لە دوورگەی دیێگۆی گاراسیا بە ئامانج دەگرێت، وڵاتەکەمان جیاوازی ناکات لەنێوان ئەمریکا و هاوبەشانی. 

 

بۆچوونی لایەنی بەرامبەر: لە کاردانەوەی ئەو ‌هەڕەشانی ئێران، وتەبێژی حکومەتی بەریتانیا دەڵێت، " ئەو ‌هەڕەشانە ئیدانە دەکەن و حکومەتی وڵاتەکەمان بەردەوامە لە کەمکردنەوە گرژییەکان لە ناوچە و ڕۆڵێکی گرنگ دەگێڕین لە پاراستنی ئاسایشی نێودەوڵەتی. 

 

زانیاریی زیاتر: بنکەی دیێگۆ گارسیا بنکەیەکی هاوبەشی نێوان بەریتانیا و ئەمریکایە کە لە ساڵی حەفتاکانەوە دامەزراوە، پێشنینی دەکرێت نزیکەی چوار هەزار کارمەند و سەرباز لەو بنکەیە جێگیرکرابن.