ترەمپ بۆ ئێران و حوسییەکان: هێشتا ماویەتی ئازاری ڕاستەقینەتان پێبگات

ئاڤا نیوز

دۆناڵد ترەمپ، سەرۆکی ئەمریکا، هەڕەشەی ئەوە لە حوسییەکان دەکات کە ئەگەر هێرشەکانیان بۆ سەر کەشتییەکانی ئەمریکا نەوەستێنن، ئەوا هێرشی زیاتر و سەختتریان دەکەنە سەر.

بڵاوکراوەی فەرمی: ترەمپ لە نووسینێکیدا لە تۆڕی کۆمەڵایەتیی تروس سۆشیاڵ دەڵێت، لە دوو هەفتەی ڕابردوودا زیانی زۆریان بە توانا مرۆیی و سەربازییەکانی حوسییەکان گەیاندووە و لەم هێرشانەش بەردەوام دەبن. 

- ترەمپ هۆشداری دەدات بە حوسییەکان و بە ئێران لە پاڵپشتیی لە حوسییەکان دەکات کە ئەوەی تا ئێستا بووە 'ئازاری ڕاستەقینە' نەبووە.

دەقی نووسینەکەی ترەمپ:

"تیرۆریستانی حوسی کە لەلایەن ئێرانەوە پاڵپشتی دەکرێن لە ماوەی دوو هەفتەی ڕابردوودا بە هۆی هێرشە بەردەوامەکانەوە زۆر لاواز بوون.

- "زۆر لە شەڕکەران و سەرکردەکانیان ئیتر لەگەڵمان نین. ئێمە هەموو ڕۆژ و شەوێک هێرشیان دەکەینە سەر - بەهێزتر و بەهێزتر. تواناکانیان بۆ هەڕەشەکردن لە کەشتییەکان و ناوچەکە بە خێرایی لەناو دەچن".

-"هێرشەکانمان بەردەوام دەبن تا ئەو کاتەی ئەوان ئیتر نەبنە هەڕەشە بۆ سەر ئازادیی هاتوچۆی دەریایی".

-  هەڵبژاردنەکە بۆ حوسییەکان ڕوونە، تەقەکردن لە کەشتییەکانی ئەمریکا بوەستێنن، "ئێمەش تەقەکردن لە ئێوە دەوەستێنین". بە پێچەوانەوە، "ئێمە تازە دەستمان پێکردووە و ئازاری ڕاستەقینە هێشتا نەهاتووە، هەم بۆ حوسییەکان و هەم بۆ سپۆنسەرەکانیان لە ئێران."