سیناتۆرێکی ئەمریکی لە وتارێکدا بۆ ماوەی 25 کاتژمێر ڕەخنە لە ترەمپ دەگرێت و ڕیکۆرد دەشکێنێت

ئاڤا نیوز

 

سیناتۆرێکی ئەمریکی ڕیکۆردی درێژترین وتار دەشکێنێت و بۆ ماوەی زیاتر لە 25 کاتژمێر لە کۆنگرێس وتار دەدات.

ئەوەی پێویستە بیزانیت: 'کۆری بووکەر' ئەندامی ئەنجوومەنی پیرانی ئەمریکایە و سەر بە پارتی دیموکراتەکانە، ئەو وتارەکەی خۆی بۆ ڕەخنەگرتن لە سیاسەتەکانی دۆناڵد ترەمپ، سەرۆکی ئەمریکا تەرخان کرد. 

لێدوانی فەرمی: بووکەر لە وتارەکەیدا جەختی لەسەر ئەوە کردەوە, دۆناڵد ترەمپ مەترسییە بۆ سەر دیموکراسیی ئەمریکا. لە کۆتایی قسەکانیدا ئەو گوتی, "بابەتەکە جیاوازیی نێوان ڕاست و چەپ نییە، بەڵکو جیاوازیی نێوان ڕاست و چەوتە."

زانیاریی زیاتر: بووکەر لە لێدوانێکیدا بۆ میدیاکان گوتی، چەند ڕۆژ بەر لە وتارەکە، بەڕۆژوو بووە و وازی لە خواردنەوەی ئاو هێناوە. 

ئەوەی پێویستە بیزانیت: ڕیکۆردی پێشووی درێژترین وتار هی سیناتۆرێکی کۆمارییەکان بوو بە ناوی 'ستۆرم سورمۆند' کە ساڵی 1957 بۆ ماوەی 24 کاتژمێر و 18 خولەک لە دژی یاسای مافە مەدەنییەکان وتاری دا.