فایلی خەڵک؛ هێڵەکانی گواستنەوەی هەڵەبجە داوای تێرمیناڵێکی سەردەمیانە دەکەن

ئاڤا نیوز

هێڵەکانی گواستنەوەی هاتووچۆ لەپارێزگای هەڵەبجە، بێ خزمەتگوزارین و داوای تێرمیناڵێکی مۆدێرن دەکەن.

چیرۆکی سەرەکی: لە سنووری پارێزگای هەڵەبجە تەنیا شەش گەراج هەیە هیچ مەرجێکی تێرمیناڵیان تیدا نیە و بێ خزمەتگوزارین، واتا شۆفێران لەسەر ئەرکی خۆیان جەمەلۆن و کەپریان بۆئۆتۆمبێلەکان و شوێنێکیشیان بۆدانیشتن دروستکردووە بۆ خۆپاراستن لەگەرماو سەرما دروستکردووە. گەراجەکان لە شوێنی جیاواز و پەرش و بڵاون. 250 ئۆتۆمبێل لەم هێڵانەدا کار دەکەن.

لێدوانی فەرمی: فەریق عەزیز  یەکێک لەشۆفێرەکان بە پەیامنێری ئاڤای وت" سەرنشین و شۆفێر نیگەرانین و بێزارین، داوادەکەین لایەنە پەیوەندیدارەکان هەنگاو بنێن بۆ دروستکردنی تێرمیناڵێکی گونجاو.

بۆچوونی لایەنی بەرامبەر: ئاراس رەفیق پەیامنێری ئاڤا قسەی لەگەڵ ڕێبین محمود، بەڕێوەبەری گواستنەوەی هەڵەبجە کردووەو ئەویش دەڵێت، لەساڵی 2024ـەوە نووسراو و دەرخستە کراوە بۆ وەزارەتی گواستنەوە، کۆمپانیا ماستەرپلانەکەی دروستدەکات و بەئومێدی ئەوەین بەزووترین کات بخرێتە بواری جێبەجێکردنەوە.