نزیکەی دوو ملیۆن فەڵەستینی ئاوارەبوون

ئاڤا نیوز

 

بەهۆی خراپی بارودۆخی ئەمنی و نەبوونی ئاسایش و بەردەوامی هێرشەکانی سوپای ئیسرائیل بۆ سەر  کەرتی غەززە، نزیکەی دوو ملیۆن هاووڵاتیی فەڵەستینی ئاوارەبوون.

 

وێنە گەورەکە: دوای دەستپێکردنەوەی ئۆپەراسیۆنێکی بەرفراوانی سوپای ئیسرائیل لە دوو هەفتەی ڕابردوودا، شەپۆلێکی دیکەی ئاوارەبوونی هاووڵاتییانی کەرتی غەززە دەستیپێکردووە و بەهۆیەوە ژمارەی ئاوارەبوون لەو کەرتە گەیشتووەتە یەک ملیۆن و 900 هەزار کەس. 

 

ڕاگەیێنراوی فەرمی: ڕێکخراوی نەتەوەیەکگرتووەکان بۆ کاروباری فەڵەستین 'ئۆنروا' ڕایگەیاند، لە 18-3-2025، دوای هێرشە بەرفراوانەکەی ئیسرائیل بۆ سەر کەرتی غەززە 142 هەزار کەس ئاوارەبوون.

ئەمەش بزانە: ڕێکخراوە نێودەوڵەتییەکان هۆشداری لە دۆخی مرۆیی کەرتی غەززە دەدەن و داوا دەکەن دەرمان و خۆراک بۆ ئەو کەرتە دابین بکەن.

 

زانیاریی زیاتر: نووسینگەی بنیامین نەتانیاهۆ، سەرۆکوەزیرانی ئیسرائیل ڕایگەیاند، ئەم ئۆپەراسیۆنەیان بەهۆی ڕەتکردنەوەی پێشنیازی ئیسرائیل و ئەمریکایە بۆ ئازاد کردنی سەرجەم بارمتەکان، لەبەرامبەردا حەماس ئیسرائیل و ئەمریکای بەرپرسیار کرد لە دەستپێکردنەوەی ئۆپەراسیۆنە سەربازییەکان و پێشێلکردنی ئاگربەست.