لە یەک هەفتەدا نزیکەی 70 برینداری ڕووداوی ماتۆڕسکیل تۆمار کراون

ئاڤا نیوز

تەنیا لەماوەی یەک هەفتەدا، لە نەخۆشخانەیەکی هەولێر نزیکەی 70 برینداری ڕووداوی ماتۆڕسکیل تۆمار کراون و نەخۆشخانەکە هۆشداری زیادبوونی ڕووداوەکان دەدات.

وێنە گەورەکە: بەهۆی گەورەبوونی شاری هەولێر و زیادبوونی کۆمپانیاکانی گەیاندنی خێرا (دیلیڤەری) هاوکات هەرزانی و ئاسانی بەکارهێنانی، ژمارەی ماتۆڕسکیل زیادیان کردووە و لەگەڵیشیدا ڕووداوەکانیش زیادیان کردووە.

ڕاگەیێنراوی فەرمی: نەخۆشخانەی فریاکەوتنی ڕۆژئاوای شاری هەولێر ڕایگەیاند، لەماوەی حەوت ڕۆژی پشووی جەژنی ڕەمەزاندا زیاتر لە 68 حاڵەتی ڕووداوی ماتۆڕسکیل تۆمار کراون و بەشێکی بەرچاویان ڕووداوی سەخت بوون. نەخۆشخانەکە هۆشداری لە زیادبوونی ئامارەکانی ڕووداوەکانی ماتۆڕسکیل دەدات و داوا دەکات ڕێکاری توند بەرامبەر ماتۆڕسواران بگیرێتەبەر، بە تایبەت ماتۆڕسکیلی دیلیڤەری.

لێدوانی فەرمی: هێمن حەمەدەمین، وتەبێژی هاتووچۆی هەولێر بە ئاڤا میدیای ڕاگەیاند، لەم هەفتەیەوە هەڵمەتی دەستبەسەر داگرتنی ماتۆڕسکیلی بێ سەرەتا دەست پێ دەکەین، هەر ماتۆڕسکیلێک تۆمار نەکرابێت دەستی بەسەردا دەگیرێت. هاوکات سەرجەم کۆمپانیاکانی گەیاندنی خواردنی خێرا پابەند کراون دەبێت ئەو ماتۆڕسکیلانەی بەکاردەهێنرێن بۆ گەیاندنی خواردن تۆمار کراوبن.