عەباس عێراقچی: ئێمە هیچ پەلەیەکمان نییە لە وەڵامدانەوەی ئەمریکا بۆ دانوستان

ئاڤا نیوز

سەبارەت بە ڕێککەوتنی نێوان وڵاتەکەی لەگەڵ ئەمریکا، وەزیری دەرەوەی ئێران ئاماژە بەوە دەکات ئێستا تۆپ لە گۆڕەپانی ئەمریکادایە بۆ ئامادەبوون بە دانوستان لەگەڵمان.

وێنە گەورەکە: هەڕەشەکانی ئەمریکا و ئێران لە یەکتر بەردەوامە و هەرلایەک چاوەڕێی وەڵامی یەکدی دەکەن، ئێران لەلایەک ئامادەیی پیشاندەدات بۆ دانوستانی ناڕاستەوخۆ لەگەڵ ئەمریکا، لە لایەکیش هەڕەشە دەکات، هاوکات ئەمریکا چاوەڕێی وەڵامی نامەکەی ترەمپە و لەولاش هەڕەشەی هێرشکردن دەکات.

لێدوانی فەرمی: عەباس عێراقچی، وەزیری دەرەوەی ئێران ڕایگەیاند:

٠ پێشنیازی دانوستانی ڕاستەوخۆ کە چەندین جاری دیکە هۆکارەکانیمان باس کردوو جێگەی قبوڵ کردن نییە و دانوستانی ڕاستەوخۆ ناکەین.

٠ ئێمە ئامادەین بۆ دانوستانی ناڕاستەوخۆ لە ڕێگەی وڵاتی عومانەوە.

٠ ئێستا تۆپەکە لە گۆڕەپانی ئەمریکایە بۆ وەڵامدانەوەی پێشنیازەکەی ئێران، هەرچەندە ئێمە هیچ پەلەیەکمان نییە.

زانیاریی زیاتر: عێراقچی لە وەڵامی ئەوەی ئایا محەممەد جەواد زەریف لە ئامادەبووانی دانوستانەکەیە ڕایگەیاند: هیچ کام لەو گریمانانەی کە دەوترێت ڕاست نین، بەڵام بە دڵنیاییەوە بەرپرسیارێتی "ئەگەری دانوستان" لەگەڵ وەزارەتی دەرەوە دەبێت و بەڕێوەبردنەکەی لە ئەستۆی وەزیری دەرەوە دەبێت.