سه‌رۆک بارزانی پاڵپشتی خۆی بۆ یانه‌ی دهۆک دووپات ده‌کاته‌وه‌

ئاڤا نیوز

سه‌رۆک بارزانی پاڵپشتی خۆی بۆ یانه‌ی دهۆک دووپات ده‌کاته‌وه‌ و ده‌ڵێت،  بینه‌ری یاری نێوان دهۆک و قادسییه‌ی کوه‌یت ده‌بێت، یاریزانانی دهۆکیش پشتیوانی سەرۆک بارزانی بە گه‌وره‌ترین پاڵپشتیکار و هانده‌ر دەزانن.

وێنە گەورەکە: ئەمڕۆ کاتژمێر 7:45 خولەکی ئێوارە یانەی دهۆک لە یاریی چوونی فاینەڵی خولی یانە پاڵەوانەکانی کەنداو دەبێتە مێوانی قادسیەی کوەیتی، دەیانەوێ بۆ یەکەمین جار لە مێژوو بچنە سەر سەکۆی نازناوەکە و 15ـی ئەم مانگە لە نێو خاکی خۆیان و لەبەردەم هەزاران هاندەردا جامەکە بەرز بکەنەوە.

زانیاریی بەدەستهاتوو: ئه‌مڕۆ سه‌رۆک بارزانی په‌یوه‌ندییه‌کی ته‌له‌فۆنی له‌گه‌ڵ د. عه‌لی ته‌ته‌ر، پارێزگاری دهۆک ئەنجامدا که‌ بۆ هاندانی یانه‌ی دهۆک له‌ جامی که‌نداوی یانه‌کان له‌و وڵاته‌یه‌. سەرۆک بارزانی پاڵپشتی خۆی بۆ یانه‌ی دهۆک دووپات کرده‌وه‌.

زانیاریی زیاتر: سه‌رۆک بارزانی به‌ پارێزگاری دهۆکی ڕاگه‌یاندووە، له‌ نزیکه‌وه‌ بینه‌ری یاری نێوان دهۆک و قادسییه‌ ده‌بێت و هیوای سه‌رکه‌وتن بۆ یانه‌ی دهۆک ده‌خوازێت، هەروەها پیرۆزبایی ئه‌و سه‌رکه‌وتنه‌ گه‌ورانه‌ی کرد که‌ یانه‌ی دهۆک به‌ده‌ستی هێناون و توانیویه‌تی بگاته‌ یاری کۆتایی جامی که‌نداوی یانه‌کان.

لەلایەکی دیکەوە: یاریزانانی یانه‌ی دهۆک که‌ له‌ کاتی په‌یوه‌ندییه‌ ته‌له‌فۆنییه‌که‌ی سه‌رۆک بارزانی و د. عه‌لی ته‌ته‌ر ئاماده‌بوون، به‌ چه‌پڵه‌ڕێزان پێشوازییان له‌و په‌یوه‌ندییه‌ ته‌له‌فۆنییه‌ کرد و خۆشحاڵی خۆیان ده‌ربڕی و دووپاتیان کرده‌وه‌ که‌ ئه‌و په‌یوه‌ندییه‌ ته‌له‌فۆنییه‌ی سه‌رۆک بارزانی ده‌بێته‌ گه‌وره‌ترین پاڵپشتیکار و هانده‌ر بۆ یانه‌ی دهۆک.