لە سلێمانی چەند فەرمانگەیەک تێکدەدرێن و  دەبرێنە دەرەوەی شار

ئاڤا نیوز

لە سلێمانی ژمارەیەک فەرمانگە تێکدەدرێن و دەبرێنە دەرەوەی شار. لە شوێنی ئەو فەرمانگانە شوقە و ڤێلا دروست دەکرێن.

وێنە گەورەکە: بەناوی فراوانکردنی سەنتەری شاری سلێمانی بڕیارە چەند  فەرمانگە و بەڕێوەبەرایەتییەک بگوازرێنەوە دەرەوەی شار. شوێنی ئەو فەرمانگانەش بدرێت بە چەند بەرپرسێکی یەکێتی و بۆ ئەوەی بیکەن بە پرۆژەی نیشتەجێبوون.

زانیاریی تایبەت: چەند سەرچاوەیەک لە ناو فەرمانگەکان بە ئاڤا میدیایان ڕاگەیاندووە، بڕیارە باڵەخانەی چەند فەرمانگەیەكی گرنگ ئاڵوگۆڕیان پێ بکرێت یان دەگوازرێنەوە دەرەوەی سەنتەری شار. بۆ نموونە دادگای نوێی سلێمانی دەچێتە شوێنی بەڕێوەبەرایەتیی پۆلیسی هاتووچۆی پارێزگای سلێمانی كە ئێستا لە تاسڵوجەیە، پۆلیسی هاتووچۆش دەچێتە گوندی سۆتكە كە دەكەوێتە باكووری ڕۆژئاوای سلێمانی و  نزیك فەرماندەیی پێشمەرگە.

- یاریگای سلێمانی كە دەكەوێتە گەڕەكی چوارباخی سلێمانی  تێكدەكرێت، یاریگایەكی نوێ لەنزیك شەقامی 100 مەتری دروست دەكرێت.

- ئەم گۆڕانکارییانە لەدوای پێکهێنانی کابینەی نوێی حکومەت بەناوی فراوانکردنی شارەوە دەست پێدەکەن.