کوڕەکەی نەتەنیاهۆ لەبارەی داننان بە دەوڵەتی فەلەستین هێرشی توند دەکاتە سەر ماکرۆن

ئاڤا نیوز

 

دوای ئەوەی ئیمانوێل ماکرۆن، سەرۆکی فەرەنسا پشتیووانی خۆی بۆ داننان بە دەوڵەتی فەلەستین دەربڕی، کوڕی بنیامین نەتانیاهۆ، سەرۆکوەزیرانی ئیسرائیل هاتە دەنگ و دەڵێت. ''داگیرکاریی نوێی فەرەنسا لە وڵاتانی ڕۆژئاوای ئەفریقا ڕابگرن''.

 

چیڕۆکی سەرەکی: لەماوەی ڕابردوودا ئیمانوێل ماکرۆن، سەرۆکی فەرەنسا بیرۆکەی خۆی سەبارەت بە داننان بە دەوڵەتی فەلەستین خستەڕوو، کە بەنیازە دان بە دەوڵەتی فەلەستیندا بنێت لە کۆنفڕانسی نەتەوەیەکگرتووەکان لە نیویۆرک لە مانگی حوزەیران، ئەمەش وەک سەرۆکی فەرەنسا دەڵێت، بۆ چارەسەرکردنی کێشەی ئیسرائیل و فەلەستین ئەو هەنگاوە دەنێت.

 

لێدوانی فەرمی: یائیر نەتانیاهۆ، کوڕەکەی بنیامین نەتانیاهۆ، سەرۆکوەزیرانی ئیسرائیل لە تۆڕی کۆمەڵایەتیی ئێکس بەتووندی هێرشی کردە سەر ئیمانوێل ماکرۆن، سەرۆکی فەرەنسا و گوتی، ''داگیرکاریی نوێی فەرەنسا لە وڵاتانی ڕۆژئاوای ئەفریقا ڕابگرن''.

 

ئەمەش بزانە: لە لێدوانەکەیدا، ئیمانوێل ماکرۆن، سەرۆکی فەرەنسا کە ناڕەزایەتیی ژمارەیەک بەرپرسی ئیسرائیلی لێکەوتەوە، گوتبووی، ''بەڵێ بۆ ئاشتی بەڵێ بۆ ئاسایشی ئیسرائیل، بەڵێ بۆ دەوڵەتی فەلەستین بەبێ بوونی حەماس."