سەرۆک بارزانی: ڕۆڵی ئافرەتی کورد لە ڕۆڵی پیاو کەمتر نەبووە

ئاڤا نیوز

 

یەکەمین کۆنفڕانسی ئافرەتانی کوردستان لە هەولێر بەڕێوەدەچێت و سەرۆک بارزانیش لە پەیامێکدا بۆ ئافرەتان ڕایگەیاند، ئافرەتانی کورد ئەرکێکی گەورە و پیرۆزیان لەسەر شانە، ئێوە بە تواناکانتان داهاتوو بنیاتبنێن و ئێمەش پشتیوانتان دەبین.
 
چیرۆکی سەرەکی: بە ئامادەبوونی سەرۆک بارزانی یەکەمین کۆنفرانسی ئافرەتانی کوردستان بەڕێوەدەچێت، تێیدا 700 ئافرەت بەشدارن کە لەنێو ئۆرگانەکانی پارتی دیموکراتی کوردستان کار دەکەن، لە کۆنفرانسەکە دۆکیۆمێنتاریی (پارتی و ئافرەت، خەرمانێک لە باوەڕ و متمانە) پێشکەش کرا، پانێڵی تایبەتیش بە ڕەوشی ئافرەتان لە کوردستان لە کۆنفرانسەکەدا بەڕێوەدەچێت.

 

پەیامی فەرمی: سەرۆک بارزانی لە کۆنفرانسەکەدا وتەیەکی پێشکەشکرد و پەیامێکی ئاڕاستەی ئافرەتانی کوردستان کرد و ڕایگەیاند، خۆشحاڵم کە ئەمڕۆ یەکەم کۆنفرانسی ئافرەتانی کوردستان بەڕێوەدەچێت.

 

بەشێک لە وتەکانی سەرۆک مەسعود بارزانی لە کۆنفڕانسەکە دا:

 

- بە هیواین کۆنفڕانسەکە ئەنجامی باشی هەبێت.

- ڕۆڵی ئافرەتی کورد لە ڕۆڵی پیاوان کەمتر نەبووە.

- ئافرەتانی کورد بە درێژایی شۆڕشەکان ڕۆڵیان هەبووە.

- هەرچی لەسەر ئافرەتی کورد بوترێت هەر کەمە.

- لە شەڕی داعش ئافرەتان شەڕێکی قارەمانانەیان کرد.

-زۆر خۆشحاڵم دەبینم ژمارەیەکی زۆر لە ئافرەتان ڕۆڵێكی بەرچاویان هەیە.
-سەرۆک بارزانی بۆ ئافرەتانی کورد: ئێوە بە تواناکانتان داهاتوو بنیاتبنێن و ئێمەش پشتیوانتان دەبین.

سەرۆک بارزانی: ئەرکێکی گەورە و پیرۆز لەسەر شانی ئافرەتانی کوردە, پەروەردەکردنی نەوەکانی داهاتوو یەکێک لە ڕۆڵە گەورەکانی ئافرەتی کورد.

سەرۆک بارزانی: مافی ئافرەت بۆ ئێمە شتێکی پیرۆزە.

سەرۆک بارزانی: بە زۆر بەشوودانی کچان ئەوپەڕی تاوانە.

سەرۆک بارزانی: 120 ساڵ پێش ئێستا لە بارزان بناغەی مافی ئافرەت و ڕێزگرتنیان دانرا.

سەرۆک بارزانی، لە بەشێکی وتەکەیدا، چەند پەیامێکی نەتەوەیی ئاڕاستەی گەلی کوردستان کرد و ڕایگەیاند:

سەرۆک بارزانی: مرۆڤ ئەگەر خاکی نەبوو سەرگەردانە.

سەرۆک بارزانی: خاک ئەگەر میللەتێکی لەسەر نەبوو، هیچ مانایەکی نابێت.

سەرۆک بارزانی: هۆشیارییەکی نەتەوەیی دەبینرێت کە جێگەی خۆشحاڵییە.

سەرۆک بارزانی: دەبێت خەباتمان بەردەوام بێت و نابێت خۆمان بچەمێنین.