دیاری قەرەداغی لە ڕێگەی ئاڤاوە زانیاری لەسەر بەرهەمە نوێیەکەی ئاشکرا دەکات

ئاڤا نیوز

 

ئەمڕۆ یەكشەممە، هونەرمەندی ناسراوی كورد، دیاری قەرەداغی، لە مەراسیمێكدا بە ئامادەبوونی ژمارەیەك هونەرمەند و كەسوكاری هونەرمەنەكە، بەرهەمێكی نوێ بڵاودەكاتەوە كە گۆرانییەكە بە ناوی "برینی من"ـە و نزیكەی هەشت خولەك و 30 چركەیە و دەچێتە چوارچێوەی گۆرانی درێژ.

 

لێدوانی فەرمی: هونەرمەند دیاری قەرەداغی كە میوانی بەرنامەی كولتووری ئاڤا بوو، لەبارەی بەرهەمەكەوە ڕایگەیاند، ئێوارەی ئەمڕۆ بەرهەمە نوێیەكەم بڵاودەكەمەوە و دواتریش لە ئەژمارە فەرمییەكانی خۆم لە تۆڕە كۆمەڵایەتییەكان بەردەست دەبێت.

-ڕوونیشی كردەوە خۆی لە ئاستی هاووڵاتییان و هەوادارانی دەنگی دیاری قەردەاغی بەخاوەنی گۆرانیەكە نازانێت و هیوای خواست ببێتە موڵكی خەڵك. 

 

ئەوەی پێویستە بیزانیت: دیاری قەرەداغی لە نەوەدەكانی سەدەی ڕابردووەوە سەرقاڵی کاری هونەرییە و خاوەنی ژمارەیەك گۆرانی ناوازەیە كە لەنێو خەڵكدا بە نەمری ماونەتەوە لەوانەش: بۆنی خاك، هەوری كۆچەری، هەناسەكانم بۆ تۆ، من مەلێكی لانەوازەم...