عەممار حەکیم: پێویستە قوربانیانی ئەنفال لەڕووی ماددیی و مەعنەوییەوە قەرەبوو بکرێنەوە

ئاڤا نیوز

 

سەرۆکی ڕەوتی حیکمە پرۆسەی ئەنفال بە یەکێک لە "دڕەنترین" ئەزموونی کوشتن و لەناوبردنی گەلی عێراق ناودەبات، داواش دەکات قوربانیانی ئەنفال لەڕووی ماددیی و مەعنەوییەوە قەرەبوو بکرێتەوە.

 

وێنە گەورەکە: ئەمڕۆ یادی 37 ساڵەی شاڵاوی بەدناوی ئەنفالە کە ڕژێمی بەعسی ڕووخاو دژ بە خەڵک و خاک و ژینگەی کوردستان ئەنجامیدا و لە زنجیرەیەک شاڵاوی یەک بەدوای یەکدا دەیان هەزار خەڵکی بێتاوانی کوردستانی ڕاپێچی بیابانەکانی باشوور و ناوەڕاستی عێراق کرد و لەگۆڕی بەکۆمەڵدا زیندەبەچاڵ و بێسەروشوێنی کردن.

 

ڕاگەیێنراویی فەرمی: عەممار حەکیم، سەرۆکی ڕەوتی حیکمە لە پەیامێکدا ئاماژەی بەوەشکردووە، تاوانی ئەنفال یەکێکە لە دڕەندەترین تاوانەکانی کوشتن کە گەلی عێراق لەماوەی حکومڕانی  بەعس پیایدا تێپەڕی، لەو ماوەیەدا گەلی کورد ڕووبەڕووی هەموو جۆرە ئەشکەنجە، چەوساندنەوە، ئاوارەبوون، کۆمەڵکوژیی و دەستبەسەرداگرتنی موڵک و ماڵی بووەوە.

 

ئەوەشی خستووەتەڕوو، "بەڕێزەوە بۆ قوربانیانی ئەم کارەساتە دەوەستین و هانی هاوبەشە سیاسییەکان دەدەین ڕێز لە قوربانییانی ئەنفال بگرن، ئەو ستەمەی بەرامبەریان کرا یادی بکەنەوە و  لەڕووی ماددیی و مەعنەوییشەوە قەرەبوویان بکەنەوە".