هەشتەمین فێستیڤاڵی نێودەوڵەتیی هەولێر بۆ شانۆ دەکرێت

ئاڤا نیوز

 

بڕیارە هەفتەی داهاتوو بە ئامادەبوونیی شانۆکارانی چەندین وڵاتی جیا جیا، هەشتەمین فێستیڤاڵی نێودەوڵەتیی هەولێر بۆ شانۆ بکرێت. 

 

چیرۆکی سەرەکی: فێستیڤاڵەکە بۆ ماوەی حەوت ڕۆژ لە شاری هەولێر بەردەوام دەبێت، هاوکات شانۆکارانی میسر، توونس، لیبیا، ئێران، تورکیا، کوردستان بە چەندین کاری جیاواز بەشداریی دەکەن. 

 

لێدوانی فەرمی: هیوا سوعاد، بەڕێوەبەری بەڕێوەبەرایەتیی هونەری شانۆ  بە ئاڤای ڕاگەیاند: جگە لە نمایشی شانۆگەرییەکان، رۆژانە ژمارەیەک چالاکی دیکە بەڕێوە دەچن، وەک دیداریی ڕەخنەی شانۆیی، کۆڕ و سیمینار.

 

گۆشەیەکی دیکەی دیمەنەکە: گۆڤارێکی تایبەت بە فێستیڤاڵەکە چاپ دەکرێت، کار و بڕگە و چالاکییەکان و بابەتی هونەری شانۆیی لەخۆ دەگرێت.