تووشبوویەکی دیکەی تای خوێنبەربوون لە کەرکووک تۆمار کرا

ئاڤا نیوز

 

تووشبوویەکی دیکەی تای خوێنبەربوون لە شاری کەرکووک تۆمارکرا. بەمەش ژمارەی تووشبووان بەو نەخۆشییە لە شارەکە گەیشتە پێنج کەس.

 

وێنە گەورەکە: چەندین تووشبووی تای خوێنبەربوون لە شارەکانی ناوەڕاست و باشووری عێراق تۆمارکراون کە بەشێکیان گیانیان لەدەست داوە. هاوکات لەماوەی سێ ڕۆژدا لە شاری کەرکووک دوو کەس بەهۆی بەهۆی پەتاکەوە گیان لەدەستداوە. ئەمڕۆش تووشبوویەکی دیکەی تای خوێنبەربوون لە شارەکە ڕاگەیێنرا.

 

لێدوانی فەرمی: سەرچاوەیەک لە تەندروستیی کەرکوک بە ئاڤای ڕاگەیاند، ئەمڕۆ لە نەخۆشخانەی ئازادیی فێرکاریی شاری کەرکووك تووشبوویەکی دیکەی تای خوێنبەربوون تۆمارکرا و گومان لە چوار کەسی دیکەش دەکرێت هەڵگری نەخۆشییەکە بن.

 

زانیاریی زیاتر: ئێستا کۆی گشتیی تووشبووەکان بە تای خوێنبەربوون پێنج کەسە و دوانیان گیانیان لەدەست داوە.

 

ئەوەی پێویستە بیزانیت: تای خوێنبەربوون نەخۆشییەکی ڤایرۆسی مەترسیدارە، لە کۆتایی حەفتاکانی سەدەی ڕابردووەوە بڵاوبووەتەوە، لەلایەن ئاژەڵی توشبوو یان گۆشتەکەیەوە دەگوازرێتەوە، هاوکات لەلایەن گەنەوە دەگوازرێتەوە و، تووشی مانگا و مەڕ و ئاژەڵەکانی دیکەش دەبێت.